દીકરીઓ નથી સલામતઃ માંડવીમાં છેડછાડ અમદાવાદમાં શારીરિક અડપલા

યુવતીઓની સલામતી દિવસેને દિવસે જોખમાઇ રહી છે. કચ્છના માંડવીમાં સગીરા સાથે શારીરિક છેડછાડની ઘટના સામે આવી છે. ટયુશનમાં સાથે ભણતા યુવકે સગીરા સાથે છેડછાડ કરી છે. 

આ ઘટના બાદ સગીરાનો વીડિયો ઉતારીને યુવકે વીડિયો ક્લીપ વાયરલ કરવાની ધમકી આપી છે. ત્યારે હવે આ મામલે યુવક સહિત 3 લોકો સામે ફરિયાદ નોંધવામાં આવી છે. 

આ ઉપરાંત અમદાવાદમાં ઇસનપુરની ઘટના બાદ વધુ એક યુવતીની છેડતીનો કિસ્સો સામે આવ્યો છે. શહેરના કોટડા પોલીસ સ્ટેશનમાં યુવતીની છેડતીની ફરિયાદ નોંધાઇ છે. 

ફરિયાદ પ્રમાણે  એવન્યુ ફ્લેટમાં યુવતી રાત્રીના સમયે ધાબા પર સુતી હતી. ત્યારે યુવતીને કોઈ સ્પર્સી રહ્યો હોય તેવું લાગતા યુવતી જાગી ગઈ હતી. 

જોકે યુવતીની છેડતી કરનાર યુવક તેના જ ફ્લેટમા રહેતો રાહુલ નામનો યુવક હોવાનું તેણે જણાવ્યું હતું. અને આ બબાતે યુવતીના પરિવારે કોટડા પોલીસ સ્ટેશનમાં યુવક વિરૂદ્ધ છેડતીની ફરિયાદ નોંધાવી છે.