ચકચાર / બાળકીઓ હવે ઘરમાં પણ સુરક્ષિત નથી: અમદાવાદમાં સગા પિતાએ 8 વર્ષની બાળકીની પીંખી નાંખી

• અમદાવાદમાં પિતા બન્યો હેવાન
• 8 વર્ષની બાળકી સાથે દુષ્કર્મ
• નરાધમ પિતાએ ગુજાર્યું દુષ્કર્મ
• એકલતાનો લાભ લઈ આચર્યું દુષ્કર્મર
• પોલીસે દુષ્કર્મ અને પોક્સોનો ગુનો નોંધ્યો

 અમદાવાદમાં પિતા-પુત્રીનાં સબંધને લાંછન લગાડતી ઘટના બનવા પામી છે.  જેમાં નરાધમ બાપે જ દિકરી પર દુષ્કર્મ આચરતા ચકચાર મચી જવા પામી છે. જેમાં માતા હોસ્પિટમાં હતી તે સમયે એકલતાનો લાભ લઈ પિતાએ તેની દિકરી પર દુષ્કર્મ આચરતા ચકચાર મચી જવા પામી છે. ત્યારે આ મામલે પોલીસે ગુનો નોંધી આગળની કાર્યવાહિ હાથ ધરી છે.

બાળકી બીમાર થતા માતા તેને હોસ્પિટલ લઈ ગઈ જ્યાં સમગ્ર મામલો પ્રકાશમાં આવ્યો
બાળકી અચાનક બીમાર પડતા માતા તેને સારવાર અર્થે ખાનગી હોસ્પિટલમાં લઈ ગઈ હતી. ત્યારે ખાનગી હોસ્પિટના  ર્ડાક્ટરે બાળકીને GCS હોસ્પિટલ ખાતે લઈ જવાનું કહ્યું હતું. ત્યારે  GCS હોસ્પિટમાં ર્ડાક્ટરે તપાસ કરતા બાળકી સાથે દુષ્કર્મ થયું હોવાનું માલુમ પડતા આ અંગેની જાણ ર્ડાક્ટરે પોલીસને કરી હતી. ત્યારે પોલીસે હોસ્પિટલ પહોંચી બાળકીની માતાની પૂછપરછ હાથ ધરી હતી. બાળકીની માતાએ બાળકીને  પૂછતા બાળકીએ સમગ્ર હકીકત જણાવી હતી.  જેમાં સગા પિતાએ જ બાળકી પર દુષ્કર્મ આચર્યું હોવાનું જણાવ્યું હતું.

પોલીસે પોક્સો એક્ટ હેઠળ ગુનો નોંધી બાળકીના પિતાની ધરપકડ કરી
સમગ્ર મામલે કૃષ્ણનગર પોલીસે પોક્સો એક્ટ હેઠળ ગુનો નોંધી બાળકીના પિતાની ધરપકડ કરી છે. ત્યારે આ બાબતે બાળકીના પિતાએ જમાવ્યું હતું કે બાળકીની માતા જ્યારે હોસ્પિટલ ગઈ હતી ત્યારે બાળકી ઘરે એકલી હતી તેની એકલતાનો ફાયદો ઉઠાવી આરોપી પિતાએ બાળકી સાથે દુષ્કર્મ આચર્યું હતું. ત્યારે હાલ તો પોલીસે બાળકીના પિતાની ધરપકડ કરી જેલનાં સળીયા પાછળ ધકેલી દીધો છે.