માથાની મળી / ખતરનાક આશિકી: પ્રેમિકાના ગંદા વીડિયો બનાવવા ભારે પડ્યા, જાનુડીએ જીવ લીધો

• બિહારમાં માથા ભારે પ્રેમિકાની કહાની
• પ્રેમીએ ખોટી રીતે બ્લેકમેઇલ કરતા ઘડ્યો મોતનો પ્લાન
• પરિવાર સાથે મળીને પ્રેમીને પતાવી દીધો 

પ્રેમ જાણે કે હવે સ્વાર્થી થઇ ગયો હોય તેમ લાગી રહ્યું છે. પ્રેમની પરિભાષા દિવસ જાય તેમ બદલાઇ રહી છે. આજના આધુનિક યુગમાં પ્રેમી પંખીડાઓની લવસ્ટોરી લાસ્ટ સીન, વીડિયો અને ટેક્સ્ટ મેસેજમાં જ સમાઇ ગઇ હોય તેમ લાગી રહ્યું છે. જો કે આ તમામ વચ્ચે એક નજીવી બાબતોમાં ખેલાઇ જાય છે ખૂની ખેલ. જે વ્યક્તિને દિલોજાનથી પ્રેમ કરતા હોઇએ તે વ્યક્તિના અસ્તિત્વને ભૂંસી નાંખવા બેબાકળા બની જાય છે. અરે , આ તે કેવો પ્રેમ.ત્યારે એક એવો કિસ્સો સામે આવ્યો છે જે સાંભળીને તમે ચોંકી જશો..

બિહારનો ચોંકાવનારો કિસ્સો

બિહારના મધેપુરાનો એક ચોંકાવનારો કિસ્સો. જ્યાં પ્રેમિકાએ પોતાના પરિવાર સાથે મળીને પ્રેમીનો ખાત્મો બોલાવી દીધો.આ  ઘટના પાછળનું કારણ પણ ચોંકાવનારું છે. 4 માર્ચે પ્રેમીની હત્યા થતા પોલીસ સ્ટેશનમાં મામલો પહોંચ્યો. જ્યારે પોલીસે તપાસ કરી તો સામે આવી ચોંકાવનારી હકીકત.

પરિવારે પ્રેમીને પતાવી દીધો ?

પોલીસ દ્વારા મળતી માહિતી મુજબ રિકેશ અને તેની ગર્લફ્રેન્ડ રિલેશનશિપમાં હતા તે સમયે રિકેશે પ્રેમીકાની અશ્વીલ તસવીરો લઇ લીધી અને બાદમાં તે તસવીરો બતાવીને પ્રેમિકાને બ્લેકમેઇલ કરવા લાગ્યો.  તે અવારનવાર પ્રેમિકાને બોલાવીને તેની સાથે જબરદસ્તી સંબંધ બાંધતો જો તેમ કરવાની ના પાડે તો વીડિયો વાયરલ કરવાની ધમકી પણ આપતો આખરે રોજરોજ આવી ધમકીથી પરેશાન થયેલી પ્રેમિકાએ રચી દીધું પ્રેમીને મોતને ઘાટ  ઉતારવાનું ષડયંત્ર

પ્રેમિકા નીકળી માથા ભારે

પ્રેમીની ધમકીઓથી પ્રેમિકા  ડરી નહિ. સમગ્ર હકીકત પોતાના પરિવારને જણાવી દીધી. પરિવારે પણ પ્રેમિકાને હિંમત આપીને આ મુશ્કેલીમાંથી બહાર લાવવાનું વચન આપ્યું,. પંચાયત બોલાવીને રિકેશની આ હરકતનો પર્દાફાશ કર્યો તેમ છતાં પણ તે સુધર્યો નથી. આથી પ્રેમિકાના પરિવારજનોએ એક પ્લાન બનાવ્યો. એક રાતે પ્રેમિકાએ રિકેશને ફોન કરીને ઘરે કોઇ નથી તેમ કહીને મળવા બોલાવ્યો.   ઘરની નજીક કેરીના બગીચામાં જેવો રિકેશ આવ્યો કે પ્રેમિકાના પરિજનોએ તેને ઘેરી લઇને માર મારવાનું શરુ કર્યું. અને અંતે તો તેને ગોળી મારી દીધી.

રિકેશની કોલ ડિટેઇલ્સથી હત્યાનો ખુલાસો થયો 

એસપી રાજેશ કુમારે જણાવ્યું હતું કે 5 માર્ચે આલમનગર પોલીસને રિકેશનો મૃતદેહ અને બાઈક ગનૌલ રોડની બાજુમાં લાવારસ હાલતમાં મળી આવી હતી. જે બાદ તેણે મામલાની તપાસ શરૂ કરી હતી. હત્યા કેસમાં પોલીસે આરોપી પ્રેમિકા અને તેના સાળાની ધરપકડ કરી છે. જ્યારે હત્યામાં સંડોવાયેલા પ્રેમિકાના પિતા અને તેના બે પિતરાઈ ભાઈઓની શોધખોળ ચાલુ છે. તેઓએ એમ પણ જણાવ્યું હતું કે મૃતક રિકેશની કોલ ડિટેઈલ દ્વારા હત્યાનો ખુલાસો થયો હતો.