ભારે કરી! / શખ્સે ગર્લફ્રેન્ડ બનાવવા માટે છાપામાં આપી જાહેરાત, મહિને 2 લાખ રૂપિયાના પગારની પણ કરી ઓફર

• યુવકે ગર્લફ્રેન્ડ માટે આપી જાહેરાત 
• 18થી 23 વર્ષની વચ્ચે જોઈએ છે ગર્લફ્રેન્ડ 
• મળશે 2.16 લાખ રૂપિયાનો પગાર 

જાહેરાતોના ઘણા સમાચારો ઘણીવાર લોકોમાં ચર્ચાનો વિષય બને છે કારણ કે તેમાં વિચિત્ર માંગણીઓ કરવામાં આવે છે. પરંતુ ઘણી વખત આ જાહેરાતો લગ્ન અને રિલેશનશિપ સાથે જોડાયેલી હોય છે. આવો જ એક કિસ્સો થાઈલેન્ડથી સામે આવ્યો છે જ્યાં બે છોકરાઓએ પોતાના માટે ગર્લફ્રેન્ડની જાહેરાત કરી છે. જાહેરાત મુજબ આ છોકરાઓને ગર્લફ્રેન્ડ જોઈએ છે અને આ માટે તેઓ એક મહિનાનો બે લાખ રૂપિયાનો પગાર પણ આપશે.

જાહેરાતમાં કઈ કઈ શરતો પૂરી કરવા કહ્યું છે?
હકીકતે થાઈલેન્ડના મીડિયા રિપોર્ટ્સ અનુસાર આ બંને છોકરાઓ મૂળ ચીનના છે પરંતુ તેઓને થાઈલેન્ડની ગર્લફ્રેન્ડ જોઈએ છે. રસપ્રદ વાત એ છે કે આ જાહેરાત આ છોકરાઓના એક મિત્ર દ્વારા બહાર પાડવામાં આવી છે. તેણે જાહેરાતમાં એ પણ જણાવ્યું છે કે કઈ શરતો પૂરી કરવી પડશે. બંને છોકરાઓ તેમની ગર્લફ્રેન્ડને બે-બે લાખ રૂપિયા આપશે અને જો જરૂર પડશે તો તેની રકમ વધારી પણ શકાય છે.

ગર્લફ્રેન્ડને મળશે 2.16 લાખ રૂપિયા પગાર 
રિપોર્ટ્સ અનુસાર, યુવતીએ જાહેરાતમાં લખ્યું છે કે બે ચીની મિત્રો ગર્લફ્રેન્ડની શોધમાં છે. ગર્લફ્રેન્ડની ઉંમર 18 થી 23 વર્ષની વચ્ચે હોવી જોઈએ. ગર્લફ્રેન્ડને 2.16 લાખ રૂપિયા પગાર મળશે. બંને મારા મિત્રો છે. તેઓ સારા લોકો છે. જો તે બંનેને તમારું કામ ગમ્યું તો તમને વધુ પગાર મળી શકે છે.

માત્ર થાઈ ગર્લફ્રેન્ડ જોઈએ છે 
એવું પણ કહેવામાં આવ્યું છે કે બંને છોકરાઓને માત્ર થાઈ ગર્લફ્રેન્ડની જરૂર છે અને જે છોકરીઓ ગર્લફ્રેન્ડ બનવા માંગે છે તેમને ચાઈનીઝ ભાષાનું જ્ઞાન હોવું જરૂરી છે. આ એડ પોસ્ટ થતાં જ સોશિયલ મીડિયા પર વાયરલ થઈ, લોકોએ પ્રતિક્રિયાઓ અને મજા લેવાનું શરૂ કર્યું.

વાયરલ થઈ આ જાહેરાત 
આ એક રસપ્રદ જાહેરાત છે. લગ્ન અને સંબંધોની જાહેરાતો સમયાંતરે વાયરલ થતી રહે છે. તાજેતરમાં, સોશિયલ મીડિયા પર આવી જ એક જાહેરાત સામે આવી હતી જેમાં કહેવામાં આવ્યું હતું કે પરિવાર એક દુલ્હો શોધી રહ્યો છે. 

પરિવારને એવો વર જોઈએ છે કે જે IAS/IPS હોય કે ડૉક્ટર કે ઉદ્યોગપતિ હોય. પરંતુ જાહેરાતના અંતમાં લખ્યું હતું કે સોફ્ટવેર એન્જિનિયરો કૃપા કરીને ફોન કરશો નહીં. આ જાહેરાત પણ ખૂબ વાયરલ થઈ હતી.