સોશિયલ મીડિયા પર તસવીરો વાયરલ થઇ રહી છે, જેમાં ગર્લફ્રેન્ડ કુસુમે પોતાના બોયફ્રેન્ડ વિશાલ માટે 10 રૂપિયાની નોટ પર લખેલો મેસેજ અને વિશાલનો તેના પર જવાબ જોવા મળે છે.
10 રૂપિયાની નોટ પર ગર્લફ્રેન્ડ કુસુમે લખ્યો મેસેજ
બોયફ્રેન્ડ વિશાલનો આવ્યો જવાબ
સોશિયલ મીડિયા પર તસવીરો વાયરલ
10 રૂપિયાની નોટ પર ગર્લફ્રેન્ડ કુસુમે લખ્યો મેસેજ
થોડા દિવસો પહેલા એક 10 રૂપિયાની નોટની ખૂબ જ ચર્ચાઓ થઈ રહી હતી, જેમાં એ લખ્યું હતું કે વિશાલ 26 એપ્રિલનાં રોજ મારા લગ્ન છે. મને ભગાવીને લઇ જજે. આઈ લવ યૂ. તારી કુસુમ. આ નોટનાં વાયરલ થયા બાદ લોકોએ જાતજાતની કમેન્ટ કરી હતી. સોશિયલ મીડિયા યુઝર્સ એ પણ કહેવા લાગ્યા કે ભાઈ કુસુમનો આ મેસેજ લગ્ન પહેલા વિશાલ સુધી પહોંચાડી દો, જેથી તે 26 એપ્રિલનાં રોજ તેને ભગાવવા માટે તેના ઘરે પહોંચી જાય. હવે આ ટ્રેન્ડ પૂરો પણ નહોતો થયો કે એક વધુ 10 રૂપિયાની નોટ વાયરલ થવા લાગી, જેમાં વિશાલનો જવાબ છે.
આવી ગયો વિશાલનો જવાબ
એટલે સુધી કે સોશિયલ મીડિયા પર આલિયા ભટ્ટ અને રણબીર કપૂરનાં લગ્નમાં પણ એટલો ઉત્સાહ જોવા નહીં મળ્યો હોય, જેટલો કે વિશાલનાં કુસુમને મળવા માટે જોવા મળ્યો છે. જો તમે તેમની લવ સ્ટોરીથી પરિચિત નથી, તો તમારે આખો મામલો સમજવો પડશે. થોડા દિવસો પહેલા કુસુમે બોયફ્રેન્ડ વિશાલ માટે 10 રૂપિયાની નોટ પર એક મેસેજ લખ્યો, જે ઇન્ટરનેટ પર વાયરલ થઇ ગઈ હતી. હવે ટ્વીટર પર 10 રૂપિયાની નોટની એક તસવીર સામે આવી છે, જેમાં પાછળ વાદળી પેનથી કુસુમ માટે વિશાલનો જવાબ છે.
કુસુમ માટે વિશાલે લખ્યો આ મેસેજ
આ નોટ પર જવાબમાં વિશાલે લખ્યું હતું કે કુસુમ, મને તારો મેસેજ મળી ગયો છે. હું તને લેવા આવી જઈશ. આઈ લવ યૂ. તારો વિશાલ. શું આ આશ્ચર્યજનક નથી? ઇન્ટરનેટ હવે 26 એપ્રિલની રાહ જોઈ રહ્યું છે, એ જોવા માટે કે તે બંને પ્રેમીઓ એક બીજાને મળશે કે નહીં? જો મળ્યા તો વિશાલ પોતાની ગર્લફ્રેન્ડ કુસુમને ભગાડવામાં સફળ રહેશે. જોકે આ સ્ટોરી પાછળની હકીકત શું છે એ તો કોઈ જંતુ નથી. શું હકીકતે કોઈ કુસુમ છે, જેણે પોતાના બોયફ્રેન્ડ વિશાલને મેસેજ લખ્યો છે, કે પછી આ મેસેજ માત્ર એક વાયરલ કન્ટેન્ટ છે, જેનાં પર લોકો અલગ અલગ પ્રતિક્રિયાઓ આપી રહ્યા છે.