જોખમી સ્ટંટ / Viral : 300 ફૂટની ઊંચાઈએ બિસ્તર બાંધીને સુઈ રહ્યાં છે લોકો, કારણ ડરામણું, હિંમત હોય તો જ જોજો VIDEO

• ચીનના વોન્શેંગ ઓર્ડોવિશિયન મનોરંજન થીમ પાર્કમાં 300 ફૂટની ઊંચાઈએ ઝૂલતો બિસ્તર બનાવાયો
• પ્રવાસીઓ ટિકિટ લઈને 300 ફૂટની ઊંચાઈએ ઝૂલતા બિસ્તરમાં આરામ કરી શકે છે
• ઝૂલતા બિસ્તરનો વીડિયો વાયરલ, કાચાપોચાનું કામ નથી
• દુનિયાભરના પ્રવાસીઓનું મનોરંજન કરે છે ચીનનો આ પાર્ક 

ઘણા લોકોને તો ઊંચેથી નીચે જોવામાં પણ ડર લાગતો હોય છે જેને અંગ્રેજીમાં હાઈટ ફોબિયા કહેવાય છે. પરંતું શું તમને ખબર છે કે દુનિયામાં એક એવી પણ જગ્યા છે જ્યાં લોકો જમીનથી લગભગ 300 ફૂટની ઊંચાઈએ બિસ્તર લગાવીને સુઈ રહ્યાં છે.

People will sleep anywhere! pic.twitter.com/1giwckigKP

— The Sun (@TheSun) August 9, 2021

સોશિયલ મીડિયા પર વીડિયો વાયરલ થયો 

સોશિયલ મીડિયા પર વાયરલ થયેલા એક વીડિયોમાં બે છોકરીઓ જમીન અને આકાશ વચ્ચે ઝુલી રહેલા બિસ્તર પર આરામ ફરમાવતી નજરે ચડે છે.

300 ફૂટની ઊંચાઈએ બિસ્તર બનાવાયો, ટિકિટ લઈને પ્રવાસીઓ આનંદ માણી શકે છે 

300 ફૂટની ઊંચાઈએ પવન પણ તીવ્ર ગતિએ ફૂંકાતો હોય છે અને પવન આવતા જ બિસ્તર હિંચકાની જેમ હવામાં ફંગોળાતો હોય છે આ જોઈને તો કાચાપોચાના છાતીના પાટિયા બેસી જાય છે.

હિંમતવાર પ્રવાસીઓ ટિકિટ લઈને બિસ્તર પર આરામ કરી શકે છે

ચીનના વોન્શેંગ ઓર્ડોવિશિયન થીમ પાર્કમાં દુનિયાભરના સહેલાણીઓ આવે છે. પ્રવાસીઓના મનોરંજન માટે જમીનથી 300 ફૂટ ઊપર પહાડાની વચ્ચે મોટા તાર વડે એક બિસ્તર બાંધવામાં આવ્યો છે અને જે પ્રવાસીઓ બિસ્તર પર સુઈને પહાડોનો અદ્દભૂત નજારો લેવા માગતા હોય તેઓ ટિકિટ લઈને બિસ્તર પર આરામ કરી શકે છે જોકે તેને માટે પાષાણ હૃદય જોઈએ કાચાપોચાનું કામ નથી. કારણ કે આટલી ઊંચાઈએથી નીચે જોતા કોઈ પણ માણસને ચક્કર આવી શકે છે. 

વોન્શેંગ ઓર્ડોવિશિયન મનોરંજન થીમ પાર્કમાં બીજું પણ ઘણું જોવાલાયક છે. દુનિયાભરમાંથી અહીં પ્રવાસીઓ આવે છે અને જાતજાતના પ્રકારનું મનોરંજન માણે છે. તેમાંય હિંમતવાન પ્રવાસીઓ માટે તો 300 ફૂટની ઊંચાઈએ ઝૂલતા બિસ્તર પર આરામ કરવો વિશેષ આનંદ છે.