સંગીતમાં અદભૂત જાદુ હોય છે અને આ જ કારણ છે કે દરેક વ્યક્તિ સંગીત સાંભળવાનું પસંદ કરે છે. લોકો ઘણી વખત ઉદાસ થયા બાદ પોતાનુ મનપસંદ ગીત સાંભળે છે અથવા પછી કોઈ સંગીત વાદ્ય વગાડે છે. સંગીત સાંભળવાથી લોકોનો મૂડ બદલાઈ જાય છે.
યુવતીની વાયોલિનની ધુન પર મંત્રમુગ્ધ થયુ જંગલી પ્રાણી
યુવતી વાયોલિન વગાડી રહી છે, જંગલી પ્રાણી ખેંચાયુ
જંગલી પ્રાણી યુવતીના વાયોલિનની ધુનની માણી રહ્યું છે મજા
સોશિયલ મીડિયામાં એક યુવતીનો વીડિયો સામે આવ્યો
સંગીતની ધુન માણસ માટે એક જાદુઈ થેરાપીની જેમ કામ કરે છે. જે માણસના વર્તનને ઘણી અસર કરે છે. પરંતુ શું તમે ક્યારેય એવુ જોયુ છે કે સંગીતને સાંભળીને પ્રાણીઓ તેની તરફ ખેંચાય છે. સોશિયલ મીડિયામાં હાલમાં એક યુવતીનો વીડિયો સામે આવ્યો છે. વીડિયોમાં યુવતી પોતાનું વાયોલિન વગાડી રહી છે અને જંગલી પ્રાણી તેની તરફ આવી રહ્યું છે. આ વીડિયોમાં જોઈ શકાય છે કે એક યુવતી જંગલમાં ખુરશી પર બેસીને વાયોલિન વગાડી રહી છે. પરંતુ ત્યારે તેની પાછળ જંગલી પ્રાણી તેની તરફ આવી રહ્યું છે. આ વીડિયોને જોઈને એવુ લાગી રહ્યું છે કે વાયોલિનની ધુન પ્રાણીને યુવતી તરફ ખેંચી રહી છે.
સામાન્ય રીતે મોટાભાગના માણસ પ્રાણીઓને જોઈને દૂર ભાગી જાય છે. પરંતુ પ્રાણીઓ જ્યારે આ ધુનને સાંભળે છે તો ધીરે-ધીરે આગળ વધે છે. વીડિયોમાં જોઈ શકાય છે કે બારહસિંગા યુવતીની પાસે આવી રહ્યું છે અને યુવતીના વાયોલિનની ધુનની મજા ઉઠાવી રહ્યું છે. આ વીડિયોમાં જે યુવતી વાયોલિન વગાડી રહી છે, તેનુ નામ ડાયના છે. ડાયનાએ પોતાની સોશિયલ પ્રોફાઈલમાં લખ્યું છે કે તે સ્પેનમાં રહે છે અને વાયોલિન વગાડે છે. અવાર-નવાર તે પોતાના વીડિયો ઈન્સ્ટાગ્રામ પર શેર કરે છે. ડાયનાએ ઘણા સ્ટ્રીટ પર્ફોમન્સ પણ આપ્યાં છે.