દેશ ફરી શર્મસાર / ગેંગરેપ બાદ મહિલાને મુંડન કરાવી ફેરવી, મહિલાઓ વીડિયો ઉતારી ગાળો આપતી રહી

રાજધાની દિલ્હીમાં ક્રાઈમ રોકાવાનું નામ નથી લેતું. ફરી એક વાર દિલ્હીમાંથી શરમજનક ઘટના સામે આવી છે. હકીકતમાં જોઈએ તો, દિલ્હીના શાહદરા જિલ્લામાં વિવેક વિહાર પોલીસ સ્ટેશન હદ વિસ્તારના કસ્તૂર બા નગરમાં એક મહિલાનું અપહરણ કરી ગેંગરેપ કર્યો એટલુ જ નહીં ત્યાર બાદ તેના વાળ કાપી નાખ્યા. આટલાથી હૈવાનોનું મન ન ભરાયું તો, તેને સરાજાહેર તેની આબરૂની ધૂળધાણી કરવા માટે  મહિલાનું મોં કાળુ કરી રસ્તા પર ફેરવી હતી.મહિલાની નાની બહેને પોલીસને ફોન કરીને આ સમગ્ર વિગતો જણાવી હતી. જે બાદ ઘટનાસ્થળે પોલીસ પહોંચીને આ મહિલાને બચાવી હતી અને હાલમાં તેનું કાઉંસલિંગ થઈ રહ્યું છે.

An unfortunate incident of sexual assualt on a woman due to personal enmity happened in Shahdara District today .
Police has nabbed four accused and probe is on. All possible help and counselling is being provided to the victim. @CPDelhi @DCP_SHAHDARA #DelhiPoliceUpdates pic.twitter.com/Num74VqgVO

— Delhi Police (@DelhiPolice) January 26, 2022

પોલીસે મહિલાની ફરિયાદ પર ગેંગરેપની ફરિયાદ નોંધી છે. મહિલા સાથે હૈવાનિયત અને છેડતીના આરોપમાં ચાર મહિલાઓની ધરપકડ પણ કરવામાં આવી છે. પોલીસ હજૂ પણ અન્ય આરોપીઓની શોધમાં લાગેલી છે. પોલીસના જણાવ્યા અનુસાર મહિલાની સાથે આ વ્યવહાર જૂની અદાવતના કારણે કર્યું છે. પીડિત મહિલા પરણેલી છે. તેને એક બાળક પણ છે. આ ઘટનાનો વીડિયો પણ વાયરલ થઈ રહ્યો છે. 
 

कस्तूरबा नगर में 20 साल की लड़की का अवैध शराब बेचने वालों द्वारा गैंगरेप किया गया, उसे गंजा कर, चप्पल की माला पहना पूरे इलाक़े में मुँह काला करके घुमाया। मैं दिल्ली पुलिस को नोटिस जारी कर रही हूँ। सब अपराधी आदमी औरतों को अरेस्ट किया जाए और लड़की और उसके परिवार को सुरक्षा दी जाए। pic.twitter.com/4ExXufDaO3

— Swati Maliwal (@SwatiJaiHind) January 27, 2022

પીડિત મહિલાની બહેનના જણાવ્યા અનુસાર મહિલાની પડોસમાં રહેતો એક યુવક તેની પાછળ પડ્યો હતો. બાદમાં આ યુવકે 12 નવેમ્બરે આત્મહત્યા કરી લીધી હતી. જેનાથી ગુસ્સે થયેલા યુવકોને લાગ્યું કે, તેમના ઘરના દિકરાએ આ મહિલાના કારણે આત્મહત્યા કરી લીધી છે. હાલમાં પોલીસ તમામ એંજલથી તપાસ કરી રહી છે.યુવકની આત્મહત્યા બાદ મહિલા ભાડાના મકાનમાં રહેતી હતી. યુવતીના કાકાએ આરોપ લગાવ્યો છે કે, તેને ચાકૂ લગાવ્યું અને તેની ભત્રીજી પાસે લઈ ગયા. બુધવારે લગભગ 12 કલાકે યુવતીનું કડકડડૂમાંથી કિડનેપ કરી ગયા હતા.

આ તમામની વચ્ચે પીડિતા સાથે દિલ્હી મહિલા આયોગના અધ્યક્ષ સ્વાતી માલીવાલે પણ મુલાકાત કરી છે. તેમણે કહ્યું છે કે, કસ્તૂરબા નગરમાં 20 વર્ષિય યુવતીનો દારૂ વેચનારા લોકોએ ગેંગરેપ કર્યો છે. તેને મુંડન કરાવીને ચપ્પલનો હાર પહેરાવીને આખા વિસ્તારમાં કાળું મો કરાવીને ફેરવી હતી. હું દિલ્હી પોલીસને નોટિસ જાહેર કરી રહી છું. દરેક ગુનેગારને એરસ્ટ કરવામાં આવે અને યુવતીના પરિવારને સુરક્ષા આપવામાં આવે.