વડોદરામાં યુવતી પ્રાચી મોર્યની હત્યા મામલે વસીમ મલેક નામના આરોપીની પોલીસે ધરપકડ કરી હતી. પોલીસને મળેલી માહિતી પ્રમાણે યુવતી સાથે મોડી રાત્રે યુવતીના મિત્ર વસીમે જ યુવતીની હત્યાની કરી હોવાની કબૂલાત કરી લીધી છે. આ મામલે વડોદરા પોલીસ દ્વારા પત્રકાર પરિષદ કરી હતી.
વડોદરામાં પાદરા રોડ પર યુવતીનું ગળુ દબાવીને હત્યા કરી દેવામાં આવી હતી. રિલાયન્સ મોલની પાછળ આવેલા મેદાનમાંથી પ્રાચી મોર્ય નામની યુવતીનો મૃતદેહ મળી આવ્યો હતો. મોડી રાત્રે વસીમ મલેકે હત્યા કરીને મૃતદેહ ફેંકી દીધો હતો.
મહત્વનું છે કે તપાસ દરમિયાન સ્થળ પરતી 2 બાઈક પણ મળી આવી છે. ત્યારે આ મામલે જે.પી. રોડ પોલીસે તપાસ હાથ ધરી હતી. ત્યારબાદ પોલીસે વસીમની ધરપકડ કરી હતી. વડોદરા ક્રાઇમ બ્રાન્ચે આરોપી વસીમને રેલવે સ્ટેશન પાસેથી ઝડપી પાડ્યો હતો.
વડોદરા પોલીસે પત્રકાર પરિષદ કરીને હત્યા મામલે જાણકારી આપી છે. DCP જયદિપસિંહ જાડેજાએ કહ્યું કે વસીમ મલેક નામના યુવકે યુવતીનું ગળુ દબાવીને હત્યા કરી હતી. વસીમ અને પ્રાચી વચ્ચે ચાર વર્ષથી પ્રેમ સંબંધ હતો. બંને વચ્ચે બ્રેકઅપ થતા વસીમે યુવતીની હત્યા કરી નાખી. આ હત્યા પ્રેમ સંબંધના કારણે કરાઇ છે.