ઝારખંડના ગુમલા જિલ્લાના સદર પોલીસ સ્ટેશન વિસ્તારમાં વૃંદા નાયકટોલી ગામમાં 27 વર્ષીય વિનીતા ઉરાંવે પોતાના ઘરમાં ઘૂસી ગયેલા પીપલ્સ લિબરેશન ફ્રન્ટ ઓફ ઇન્ડિયા (પીએલએફઆઈ)ના એરિયા કમાન્ડર બસંત ગોપ સામે લડીને તેની હત્યા કરી હતી. નક્સલવાદી ગેંગના બાકીના સભ્યો ડરથી ઘટના સ્થળેથી ભાગી ગયા હતા.
એક યુવતીએ નક્સલી કમાન્ડરની હત્યા કરી
યુવતીએ પરિવારને બચાવતા અદમ્ય સાહસનો પરિચય આપ્યો
તંત્રએ પણ યુવતીના વખાણ કર્યા
ગુમલાના પોલીસ અધિક્ષક હરદીપ પી જનાર્ધનને ગુરુવારે આ ઘટનાની માહિતી આપી હતી. તેણે કહ્યું કે જ્યારે નક્સલ વિસ્તારના કમાન્ડર બસંત ગોપે તેની ટુકડી સાથે ઉપરોક્ત કુટુંબની હત્યા કરવા માટે તેમના ઘરે ઘુસી ગયા હતા. ત્યારે વિનીતા ઉરાંવે અદમ્ય સાહસ બતાવી અને ટાંગીના એરિયા કમાન્ડર ઉપર હુમલો કર્યો.
આ બાદ તમામ ઉગ્રવાદીઓ ફાયરિંગ કરતા તેમના કમાન્ડરની લાશ સાથે ત્યાંથી ભાગી ગયા. જનાર્ધને કહ્યું કે પીએલએફઆઈએ બે વર્ષ અગાઉ એક વ્યક્તિની હત્યા કરી હતી. જેમાં કોર્ટમાં જુબાની ન આપવા આ પરિવારને ડરાવવામાં આવી રહ્યો હતો. આ જ કારણે પીએલએફઆઈના એરિયા કમાન્ડરે બુધવારે કેટલાક લોકો સાથે આ પરિવારના ઘરી વળ્યા હતા.