માતા બનવાનો અધિકાર યુવતીઓ માટે સુખદ અનુભવ હોય છે પરંતુ જો પ્રેગ્નેન્સી જોઈતી ન હોય તો વાત બદલાઈ જાય છે. લગ્ન કર્યા વગર માતા બનવું ભારતીય સમાજમાં સ્વીકાર્ય નથી.
19 વર્ષની અપરણિત યુવતી થઈ પ્રેગ્નેન્ટ
અબોર્શન કરાવવા ગઈ તો થયું કંઈક આવું...
આપવીતી જાણીને ચોંકી જશો
ભારતમાં લગ્ન કર્યા વગર પ્રેગ્નેન્ટ થવું આજે પણ એક મોટો ગુનો માનવામાં આવે છે. એવામાં, કોઈ અનમેરિડ યુવતી જો અબોર્શન કરાવવા માંગે તો તેને ખૂબ જ મુશ્કેલીઓનો સામનો કરવો પડી શકે છે. આ મજબૂરીનો ફાયદો ક્લીનિક અને ડોક્ટર્સ પણ ઉઠાવે છે. કંઈક એવું જ થયું 19 વર્ષની યુવતી સાથે જેને એક દિવસ અચાનક ખબર પડી કે તે પ્રેગ્નેન્ટ છે. જ્યાર બાદ તે ડોક્ટર પાસે ગઈ. પરંતુ ત્યાં તેની સાથે જે થયું તેનાથી તે યુવતીનો ડોક્ટરો પરથી ભરોસો ઉઠી ગયો.
શું છે આ યુવતીની સ્ટોરી?
આ ઘટના જ્યારે તે યુવતી સાથે બની તો ત્યારે તે એક કોલેજ સ્ટૂડન્ટ હતી. તેણે પોતાની સ્ટોરી કહેતા જણાવ્યું, "પહેલી વખત જ્યારે હું ગર્ભવતી થઈ ત્યારે હું 19 વર્ષની હતી. મને પહેલા જ યુરિનરી ટ્રેક્ટ ઈન્ફેક્શનની બીમારી હતી માટે વારંવાર ટોયલેટ જવું, જે ગર્ભાવસ્થાનું પ્રમુખ લક્ષણોમાંથી એક છે, તેને મેં નજરઅંદાજ કર્યું. મને મોર્નિંગ સિકનેસ ઉલટી અથવા જી મચલવા જેવી કોઈ સમસ્યા ન થઈ.
"પરંતુ ઘણા અઠવાડિયા બાદ જ્યારે મારા પીરિયડ્સ ન આવ્યા તો મને ચિંતા થઈ. મારૂ રિલેશનશિપ હતું અને મને ડર લાગ્યો કે કદાચ હું પ્રેગ્નેન્ટ છું. મારો બોયફ્રેન્ડ એ વખતે મુંબઈમાં હતો અને હું કોલેજની રજાઓ માટે ગુવાહાટી ગઈ હતી. મારા માટે તેના અને મારા અમુક નજીકના લોકો વગર આ સ્થિતિમાંથી નિકળવું સરળ ન હતું."
યુવતીએ આગળ જણાવ્યું, "મને ઘણી વખત પીરિયડ્સ અનિયમિત થતા હતા માટે તેની શરૂઆતમાં મેં અને મારા બોયફ્રેન્ડે તેને નજરઅંદાજ કરી દીધુ. એક મહિનો જતો રહ્યો અને બીજો મહિનો શરૂ થઈ ગયો પરંતુ મને પીરિયડ્સ ન આવ્યો. ત્યાર બાદ તેની ચિંતા થવા લાગી. માટે મેં જાતે ઘણી વખત પ્રેગ્નેન્સી ટેસ્ટ કર્યા જે બધા પોઝિટીવ આવતા હતા. પાંચથી છ અઠવાડિયા પછી મને ખબર પડી કે હું પ્રેગ્નેન્ટ છું અને આ મારા માટે ખૂબ જ ડરામણું હતું. તે સમયે હું મારા પરિવાર સાથે રહી રહી હતી."
ડોક્ટરોએ જબરદસ્તી સર્જિકલ અબોર્શનનું દબાણ કર્યું
તેમણે મને અમુક ડોક્ટર્સનું નામ જણાવ્યું જેમને તેમણે પહેલા જ વાત કરીને સ્થિતિ જણાવી દીધી હતી. હું મારા મિત્ર સાથે ડોક્ટરની પાસે ગઈ. ત્યાં પહોંચ્યા બાદ ડોક્ટર મારા પર સર્જીકલ અબોર્શનનું દબાણ કરવા લાગ્યા. વગર સર્જરીએ દવાઓથી પણ તે સંભવ હતું. પરંતુ તેમણે તેનો ઉલ્લેખ પણ ન કર્યો.
પરંતુ મેં જાણકારી મેળવી હતી અને નક્કી કર્યું હતું કે મારે આ બધુ કઈ રીતે કરવું છે. જ્યારે તેમણે મને સર્જિરલ અબોર્શન, પોતાની ફી શું કરવું છે શું નહીં વગેરે જણાવ્યું તો મેં તેમને કહ્યું કે મારે દવાઓ દ્વારા આ કરવું છે. તેમને આ સાંભળીને સારૂ ન લાગ્યું કે હું દવાઓ વિશે જાણતી હતી અને તેના દ્વારા અબોર્શન કરાવવા માંગતી હતી. કદાચ તેમણે વિચાર્યું કે હવે તેમને પૈસા નહીં મળે જે તેમણે વિચાર્યા હતા.
દવાઓની પ્રાઈઝ વધારે કહી
તેમણે મને જે દવાઓની કિંમત જણાવી તે કેમિસ્ટ સ્ટોરના મુકાબલે ત્રણ ઘણી વધારે હતી. જેની જાણકારી મને મારા બીજા અબોર્શન વખતે મળી. તે ઉપરાંત તેમણે તેમની ફિના 1500 રૂપિયા બીજા પણ લીધા. હું પરેશાની ન હતી ઈચ્છતી અને બસ આ સ્થિતિમાંથી બહાર નિકળવા માંગતી હતી.
ડોક્ટરોએ મને જણાવ્યું કે તેને કઈ રીતે ખાવાનું છે અને મને કેવો અનુભવ થશે. દવા લીધા બાદ પહેલો દિવસ મારા જીવનનો સૌથી દર્દનાક દિવસ સાબિત થયો. મને ખૂબ જ વધારે બ્લડ ફ્લો થઈ રહ્યો હતો અને અસહ્ય દુઃખાવો થઈ રહ્યો હતો. મારૂ શરીર શિથિલ પડી ગયું અને મારે તે દિવસે મુંબઈ માટે ફ્લાઈટ પકડવાની હતી.
અમુક પૈસાની લાલચે મને ટ્રોમામાં મુકી દીધી
મહિલાએ જણાવ્યું, "હું તે વખતે એ જ વિચારી રહી હીત કે કાશ એ ડોક્ટર પૈસાની લાલચ ન કરતી તો મને આટલું દુખાવો સહન ન કરવો પડત. હું નાની ઉંમરની હતી, સ્વસ્થ્ય હતી અને મને કોઈ પ્રકારની કોઈ મુશ્કેલી ન હતી માટે મેં આ રસ્તો પસંદ કર્યો. પરંતુ ડોક્ટરે મને આ નિર્ણય પર નરાકાત્મક રિવ્યૂ આપ્યા જેના કારણે મને ખૂબ જ સ્ટ્રેસમાંથી પસાર થવું પડ્યું.
"મેં જ્યારે તેમને સર્જિકલ અબોર્શન માટે ઈનકાર કરી દીધો તો તેમનો વ્યવહાર સંપૂર્ણ રીતે બદલાઈ ગયો. જેના કારણે મને ખૂબ જ સ્ટ્રેસમાંથી પસાર થવું પડ્યું. મને આ સંપૂર્ણ ઘટનામાંથી બહાર આવતા 20થી 25 દિવસ લાગ્યા. હું દિવસ રાત એ વિચારીને રડતી હતી કે કદાચ મારા પર બાળકને પેદા કરવાનું દબાણ બનાવવામાં આવી રહ્યું છે."