અનોખો પ્રેમ / સેકસ ચેન્જ ઓપરેશન કરાવીને છોકરીમાંથી છોકરો બન્યો, પછી કર્યા પોતાની જ બહેનપણી સાથે લગ્ન

• ફિરોઝાબાદની એક યુવતીએ પ્રાઈવેટ પાર્ટ બદલાવી નાખ્યુ
• યુવતીમાંથી યુવક બની બહેનપણી સાથે લગ્ન કરી નાખ્યા
• સહેલીના પરિવારની ફરિયાદના આધારે પોલીસે બંનેને પકડ્યા

સર્જરી કરી યુવતી યુવક બની

યુવક બનેલી યુવતી નોઈડામાં નોકરી કરે છે. લાઈનપાર પોલીસ સ્ટેશન વિસ્તારમાં બાજુમાં રહેતી બે યુવતીઓ બાળપણથી મિત્ર છે. બંનેએ ઈન્ટરમીડીએટનો અભ્યાસ એકસાથે કર્યો.  પાંચ વર્ષ પહેલા 27 વર્ષીય યુવતી નોઈડા ભણવા ગઇ હતી. પરિવારજનોએ જણાવ્યું કે બંને વચ્ચે ફોન પર દરરોજ વાતચીત થતી હતી. 25 વર્ષીય યુવતી પણ ફિરોઝાબાદથી ઘણી વખત બહેનપણીને મળવા નોઈડા ગઇ. ફિરોઝાબાદ આવ્યા બાદ બંને એકસાથે રહેતા હતા. 

નોઈડા સ્થિત બહેનપણી સાથે કર્યા લગ્ન

આઠ ફેબ્રુઆરીએ યુવતી માતાને માર્કેટ જવાની વાત કહીને ઘરેથી નિકળી. ત્યારબાદ પાછી ના આવી. યુવતીના પરિવારજનોએ ગુમ થયાની ફરિયાદ નવ ફેબ્રુઆરીએ પોલીસને આપી. 11 ફેબ્રુઆરીએ પરિવારજનોને જાણવા મળ્યું કે યુવતી નોઈડા સ્થિત બહેનપણી પાસે છે અને બંનેએ લગ્ન કરી નાખ્યા છે. પોલીસ પરિવારજનોની સાથે નોઈડા પહોંચી અને બંનેની ધરપકડ કરી છે. પોલીસ તપાસમાં જાણવા મળ્યું કે યુવતીએ બે મહિના પહેલા દિલ્હીના એક ખાનગી હોસ્પિટલમાં પ્રાઈવેટ પાર્ટ બદલાવ્યું હતુ. પોલીસ બંનેને ફિરોઝાબાદ લઇને આવી અને મેડિકલ તપાસ કરાવી. સિટી એસપી મુકેશ ચંદ્ર મિશ્રનું કહેવુ છે કે યુવતીએ પોતાની બહેનપણી સાથે લગ્ન કર્યા છે. યુવતીના પરિવારજનોએ ફરિયાદ નોંધાવી છે. આ કેસની તપાસ થઇ રહી છે. યુવતીના નિવેદન નોંધવામાં આવશે.