ભારે કરી / મારા લગન કરાવો: ભરબજારે યુવકને જોઈ યુવતીએ લગ્નની હઠ પકડી, લોકોએ પકડીને લગ્ન કરાવ્યા

• બિહારમાંથી એક અજીબોગરીબ કિસ્સો સામે આવ્યો
• થનારા પતિને બજારમાં જોઈ જતાં છોકરીએ હઠ પકડી
• મારા લગ્ન કરાવો, જીદ કરી છોકરાને રસ્તામાં પકડી પાડ્યો

બિહારના નવાદામાંથી એક અજીબોગરીબ ઘટના સામે આવી છે. જ્યાં નવાદાના ભગત સિંહ ચોક પર એક યુવતીએ પોતાના માતા-પિતા સાથે માર્કેટમાં આવી હતી. પણ તેને અચાનક થનારા પતિને જોઈ લીધો અને રસ્તાની વચ્ચે તેણે લગ્ન કરવાની જીદ કરવા લાગી. ભીડ વધતી જોઈ છોકરાએ ઘણી વાર ભાગવાની કોશિશ કરી, પણ છોકરીએ તેને દોડીને પકડી પાડ્યો હતો અને કહેવા લાગી કે, મારા લગન કરાવો, મારા લગન કરાવો.

છોકરીના પરિવારનું માનીએ તો, ત્રણ મહિના પહેલા આ યુવક સાથે તેમની દિકરીના લગ્ન નક્કી થયા હતા. દહેજમાં એક બાઈક અને 50 હજાર રૂપિયા કેશ પણ આપ્યા હતા. જ્યારે લગ્નનો સમય આવ્યો છોકરાએ થોડા સમય પછી લગ્ન કરવાની વાત કહી. ત્યાર બાદ છોકરાવાળા લગ્ન ઠેલવતા રહ્યા. લગ્ન નહીં કરવા માટે યુવક કેટલાય દિવસથી ભાગતો ફરતો હતો.

ત્યાર બાદ જ્યારે બજારમાં છોકરીએ આ છોકરાને જોયો તો તેને પકડીને લગ્ન કરવાની જીદ પકડી. કેટલીય વાર છોકરાએ છોકરીની પકડમાંથી ભાગવાની કોશિશ કરી, પણ છોકરી અને તેના પરિવારના લોકોએ આ યુવકને પકડી રાખ્યો. આ યુવકે જિલ્લાના મહકાર ગામનો અને છોકરી મહુલીની રહેવાસી હતી.

કલાકો સુધી ચાલેલા આ ડ્રામાની સૂચના જ્યારે પોલીસને થઈ તો, પોલીસ આવી અને સમજાવી બંનેને પોલીસ સ્ટેશન લઈ ગયા. બાદમાં બંનેના પરિવારના સમજાવ્યા. બંનેની સમહતિથી આ યુવાન કપલના લગ્ન બાજૂના મંદિરમાં કરાવ્યા.