ઈન્દોર / નીકિતા પ્રજાપતિને ગળા કાતરના ઘા મારીને મારી મંગેતરે, રુમમાં અર્ધનગ્ન લાશ, હૈયું કંપાવતો કિસ્સો

• એમપીના ઈન્દોરમાં નીકિતા પ્રજાપતિ નામની છોકરીની ભાડાના ઘરમાં ઘાતકી હત્યા
• કાતરના ઘા મારીને ફરાર થયો મંગેતર
• યુવતીના ગળામાં કાતર મળી આવી, અર્ધનગ્ન પણ હતી 

ઈન્દોરથી એક હૃદયદ્રાવક ઘટના સામે આવી છે. અહીંના રાવજી બજાર વિસ્તારમાં એક યુવતીની લાશ મળી આવતા ખળભળાટ મચી ગયો છે. જણાવવામાં આવી રહ્યું છે કે યુવતીના મંગેતરે તેની હત્યા કરી છે. યુવતીની લાશ એવી હાલતમાં મળી આવી હતી કે કોઈ પણ ડરી જાય. યુવતી અર્ધનગ્ન અવસ્થામાં હતી. કાતર ગળામાં ફસાઈ ગઈ હતી અને હાથ અને પેટની નસો પણ સંપૂર્ણપણે લીલી થઈ ગઈ હતી.મંગેતર હાલ ફરાર છે.  પોલીસને જાણ કરવામાં આવી હતી કે યુવતીની લાશ રૂમમાંથી મળી આવી છે. સૂચના મળતા જ પોલીસ તાત્કાલિક ઘટના સ્થળે પહોંચી ગઈ અને જોયું તો આખા ઘરમાં લોહી ફેલાયેલું હતું અને  તેના ગળામાં કાતર ફસાઈ ગઈ હતી. પોલીસે લાશને બહાર કાઢી પોસ્ટમોર્ટમ માટે મોકલી આપી હતી.

થોડા દિવસ પહેલા ભાડે રહેવા આવ્યાં હતા 
મકાનમાલિકે જણાવ્યું કે થોડા દિવસ પહેલા આ ઘરમાં એક છોકરો અને છોકરી રહેવા આવ્યા હતા. બંનેએ આ રૂમ ભાડે રાખ્યો હતો. યુવકે કહ્યું હતું કે, યુવતી તેની મંગેતર છે અને થોડા જ દિવસોમાં તેઓ લગ્ન કરવાના છે. યુવતીની ઓળખ નિકિતા પ્રજાપતિ તરીકે થઈ છે. તે સાગરની રહેવાસી હોવાનું કહેવાય છે. એડિશનલ ડીસીપી અભિનય વિશ્વકર્માના જણાવ્યા અનુસાર આ ઘટના રાવજી બજાર પોલીસ સ્ટેશન વિસ્તારની ફોર્સ્ડ કોલોનીની છે. શનિવારે સવારે મકાન માલિક ભાડું લેવા પહોંચ્યો ત્યારે મહિલાની લાશ જોઇને તે ચોંકી ગયો હતો. તેમણે પોલીસ ફોન પર આ બાબતની જાણ કરી હતી, ત્યારબાદ પોલીસ પણ ઘટના સ્થળે પહોંચી હતી.

લગ્નને લઈને થયો હતો વિવાદ
જણાવવામાં આવી રહ્યું છે કે છોકરા અને છોકરી વચ્ચે લગ્નની વાતને લઈને વિવાદ થયો હતો. આ ઘટના પહેલા આરોપીએ છોકરી સાથે બેસીને ભોજન લીધું હતું. પોલીસને ઘટના સ્થળેથી ફૂડ બોક્સ પણ મળી આવ્યા છે. માનવામાં આવી રહ્યું છે કે ખાતી વખતે બંને વચ્ચે કોઈ વિવાદ થયો હશે, જે બાદ યુવકે ગુસ્સે થઈને છોકરીની કાતરના ઘા મારીને હત્યા કરી દીધી.