એક નાની છોકરી સ્પાઈડર મેનની જેમ દિવાલ પર ચઢતી હોવાનો એક વીડિયો વાયરલ થયો છે.
5 વર્ષની બાળકી બની સ્પાઈડર મેન
સ્પાઈડર મેનની જેમ દિવાલ પર ચડી જાય છે
ખતરનાક સ્ટંટથી પણ ડરતી નથી
નાના બાળકો અકલ્પનીય કામ કરી શકવાની ક્ષમતા ધરાવતા હોય છે. જે મોટા કરી શકતા નથી તે બાળકો પળવારમાં કરી નાખતા હોય છે. આવા જ એક વીડિયોમાં 5 વર્ષની બાળકી સ્પાઈડરમેન જેવા ખતરનાક સ્ટંટ કરી રહેલી જોઈ શકાતી નથી.
સ્પાઈડરમેન બાળકી કોઈ પણ જાતના ટેકા વગર દિવાલ પર ચઢી જાય છે. ફક્ત હાથ અને પગનો ઉપયોગ કરીને તે દિવાલની ટોચે ચડી જાય છે. બાળકી તેના હાથ અને પગને દિવાલ પર અલગ અલગ રાખે અને છત પર ચઢી જાય છે.
દિવાલની ટોચે પહોંચ્યા બાદ બાળકી તેના પગ દિવાલ પરથી હટાવી લે છે અને થોડી સેકન્ડોમાં હવામા રાખે છે. છેલ્લે તે અડધી દિવાલ પરથી નીચે ઉતરે છે અને પછી જમીન પર કૂદી જાય છે.
કોઈ પણ જાતનો સહારો લીધા વગર દિવાલ પર ચઢવાનો બાળકીનો આ કરતબ જોઈને લોકો તો હેરાન રહી ગયા. એક યૂઝરે લખ્યું કે તેના હાથ અને પગ ચૂંબકીય હોવા જોઈએ. આ એક અજીબ અને અવિશ્વસનીય છે.