તમિલનાડૂની એક બાળકી વિલ્માને 'નો કાસ્ટ, નો રિલીઝન'નું સર્ટિફિકેટ મળ્યું છે. આ બાળીકની ઉંમર સાડા ત્રણ વર્ષ છે.
તમિલનાડૂમાંથી વિચિત્ર કિસ્સો સામે આવ્યો
ત્રણ વર્ષની બાળકી જાતિ અને ધર્મના વાડામાંથી મુક્તિ થઈ
નો કાસ્ટ, નો રિલીઝન સર્ટિફિકેટ મેળવી લીધું
તમિલનાડૂની એક બાળકી વિલ્માને 'નો કાસ્ટ, નો રિલીઝન'નું સર્ટિફિકેટ મળ્યું છે. આ બાળીકની ઉંમર સાડા ત્રણ વર્ષ છે. નરેશ કાર્તિક અને તેમની પત્ની ગાયત્રીએ પોતાની દિકરી વિલ્મા માટે આ સર્ટિફિકેટ લીધું છે. સીડ્રેપ્સ એજ્યુકેશનલ એન્ડ ચેરિટેબલ ટ્રસ્ટના સંસ્થાપક નરેશે કહ્યું કે, તે નથી ઈચ્છતા કે તેમની દિકરી કોઈ ધર્મ અથવા જાતિના બંધમાં બંધાયેલી રહે.
તેમણે કહ્યું કે, અમારી દિકરી માટે ભગવાનનો મતલબ પ્રેમ હશે. આ પ્રેમ સમાનતા પર આધારિત હશે, તેમણે કહ્યું કે, શૈક્ષણિક સંસ્થાઓએ પણ વિદ્યાર્થીઓને પ્રેમ અને સમાનતા શિખવાડવી જોઈએ.
તેમણે કહ્યું કે, દિકરીના એડમિશન માટે જે સ્કૂલમાં ગયા, ત્યાં કહ્યું કે, ધર્મ અને જાતિની કોલમ જરૂરી છે. આ કોલમને ભર્યા વિના અરજી સ્વિકારી શકાય નહીં, પણ 1973માં એક સરકારી આદેશમાં કહેવાયુ છે કે, સ્કૂલોમાં પોતાના બાળકોના એડમિશન દરમિયાન ધર્મ અને જાતિનો ઉલ્લેખ ફરજિયાત નથી. ધર્મ અથવા જાતિનો ઉલ્લેખ ન કરવો હોય તો, આ કોલમ ખાલી છોડવાની મંજૂરી આપે.
તમિલનાડૂ રાજ્ય શિક્ષણ વિભાગે 1973 અને 2000ના બે અલગ અલગ આદેશોમાં શાળાકીય શિક્ષણ ડાયરેક્ટરને નિર્દેશ આપ્યા છે કે, તે લોકોને ધર્મ અથવા જાતિનો ઉલ્લેખ નહીં કરવા પર તેમને કોલમ ખાલી છોડવાની મંજૂરી આપે.
નરેશે કોયંબતૂર જિલ્લા કલેક્ટર, જીએસ સમીરન સાથે સંપર્ક કર્યો, જેમણે કોયંબતૂર ઉત્તરના ટીડીઓ પાસે જઈને કહ્યું. ટીડીઓએ આ શપથપત્ર લીધા બાદ કહ્યું કે, આ સર્ટિફિકેટ બાદ તેમની દિકરી જાતિ અને ધર્મના આધાર પર કોઈ પણ સરકારી અનામત અથવા વિશેષાધિકાર લઈ શકશે નહીં. બાળકીના પિતાએ એફિડેવિટ જમા કરાવ્યું જે બાદ આ સર્ટિફિકેટ આપવામાં આવ્યું છે.