ઓસ્ટ્રેલિયામાં પિક્સી કર્ટિસ નામની છોકરીએ 10 વર્ષની નાની ઉંમરમાં 1 મહિનામાં 1 કરોડની કમાણી કરીને બધાને ચોંકાવી દીધા છે. શું કર્યું દીકરીએ જોઈએ આ રિપોર્ટમાં.
ઓસ્ટ્રેલિયાના સિડની શહેરની અદ્દભૂત ઘટના
10 વર્ષની છોકરી પિક્સી કર્ટિસની કમાલ
રમકડા વેચીને કમાવ્યા 1 કરોડ
માતાપિતાની મદદથી રમકડાની દુકાન ખોલી હતી
દીકરીઓને સાપનો ભારો સમજતા લોકોની આંખ ઉઘાડતી એક ઘટના ઓસ્ટ્રેલિયામાંથી પ્રકાશમાં આવી છે. દીકરા કરતા દીકરી માતાપિતાને કેટલી કામમાં આવી શકે છે તે આ ઘટના પરથી છતું થયું છે. એક દીકરી તો 72 પેઢીને તારે તે કહેવત કંઈ અમથી નહીં પડી હોય. જોઈએ ઓસ્ટ્રેલિયાની દીકરીએ કરેલા એક અદ્દભૂત કામની.
રમકડાની દુકાન ખોલી, 1 મહિનામાં કમાઈ 1 કરોડ
ઓસ્ટ્રેલિયાની પિક્સી કર્ટિસ નામની છોકરીએ 10 વર્ષની ઉંમરમાં મોટા પણ ન કરી શકે તેટલી કમાણી કરીને વર્લ્ડ રેકોર્ડ કર્યો છે. પિક્સી કર્ટિસે માતાપિતાની સહાયથી તેની પોતાની રમકડાની દુકાન ખોલી હતી અને તે જાતજાતના રમકડા બનાવતી હતી. જોતજોતામાં તેની દુકાન જામી ગઈ હતી અને તે ખૂબ કમાણી કરવા લાગી હતી.
15 વર્ષની ઉંમરે પણ આરામથી નિવૃત્ત થઈ શકે તેટલી કમાણી
10 વર્ષની છોકરી પોતાના રમકડાના ધંધામાંથી એટલી કમાણી કરે છે કે તે 15 વર્ષની ઉંમરે પણ આરામથી નિવૃત્ત થઈ શકે છે. પિક્સી કર્ટિસ નામની એક છોકરીને તેની માતા રોક્સીએ બિઝનેસ શરૂ કરવામાં ખૂબ મદદ કરી છે. નવાઈની વાત એ છે કે પિક્સીએ છેલ્લા એક મહિનામાં જ 14 મિલિયન રૂપિયાથી વધુની કમાણી કરી છે.
રંગબેરંગી રમકડા બનાવી રહી છે પિક્સી
ઓસ્ટ્રેલિયાની પિક્સીએ તેની માતા સાથે મળીને ફિજેટ અને રંગબેરંગી પોપિંગ રમકડાં બનાવી હતી. આ રમકડાંની માંગ એવી છે કે તે હાથમાં હાથ નાખીને વેચાય છે. પિક્સીના નામ પર એક હેર એસેસરી બ્રાન્ડ પણ છે જે તેની માતા રોક્સી દ્વારા જાતે બનાવવામાં આવી છે. આમાં ખૂબ જ સ્ટાઇલિશ અને સુંદર હેડબેન્ડ્સ, ક્લિપ્સ અને અન્ય એસેસરીઝ શામેલ છે.
દિકરીએ નાની ઉંમરે મારું સ્વપ્ન પૂરું કર્યું- માતા
તેની માતા રોક્સીએ એક ઇન્ટરવ્યુમાં જણાવ્યું હતું કે, "મારા માટે સૌથી રોમાંચક બાબત એ છે કે મારી પુત્રી આટલી નાની ઉંમરે ઉદ્યોગ સાહસિક ભાવના ધરાવે છે. જ્યારે આ પ્રતિભા મારી અંદર ક્યારેય નહોતી. હું પણ સફળ થવા માંગતી હતી.