સોશિયલ મીડિયા પર એક વીડિયો ખૂબ વાયરલ થઈ રહ્યો છે. આ વીડિયોમાં એક છોકરી ફુડ ડિલીવરી એજન્ટને મારતી દેખાય છે.
સોશિયલ મીડિયા પર વીડિયો વાયરલ
ડિલીવરી બોયને જાહેરમાં ફટકાર્યો
સ્કૂટીને ટક્કર મારતા અકસ્માત થયો
સોશિયલ મીડિયા પર એક વીડિયો ખૂબ વાયરલ થઈ રહ્યો છે. આ વીડિયોમાં એક છોકરી ફુડ ડિલીવરી એજન્ટને મારતી દેખાય છે. છોકરી રસ્તા વચ્ચે જ જાહેરમાં ડિલીવરી બોયને મારી રહી છે. પ્રાપ્ત વિગતો અનુસાર જોઈએ તો, આ વીડિયો મધ્ય પ્રદેશના જબલપુરનો છે. વીડિયો કથિત રીતે ગુરૂવાર સાંજે જિલ્લાના રસેલ ચોક પાસેથી રેકોર્ડ કરવામાં આવ્યો છે. જો કે, છોકરીની ઓળખાણ હાલમાં થઈ નથી. મીડિયા રિપોર્ટ્સમાં જણાવ્યા અનુસાર છોકરી પોતાની સ્કૂટી લઈને ચોકમાંથી પસાર થઈ રહી હતી. આ દરમિયાન ડિલીવરી બોય રોંગ સાઈડમાં ત્યાં પહોંચ્યો અને તેની સ્કૂટી સાથે અથડાઈ ગઈ હતી.
છોકરીએ ડિલીવરી બોયને ચપ્પલથી મારવાનું શરૂ કર્યું
કહેવાય છે કે, સ્કૂટીને ટક્કર લાગ્યા બાદ છોકરી પડી ગઈ હતી, ત્યાર બાદ તે ઉઠીને આવી અને બાઈક સવારને પોતાના ચપ્પલ વડે ફટકારવા લાગી હતી. યુવતીનો આરોપ છે કે, ડિલીવરી બોયે બાઈકથી તેની સ્કૂટીને ટક્કર મારી હતી. જે બાદ તે પડી ગઈ અને તેને ઈજા થઈ હતી. વીડિયોમાં છોકરી ડિલીવરી બોયને સતત ચપ્પલથી ફટકારી રહી છે. ત્યાં હાજર લોકોની સાથે સાથે ડિલીવરી બોયને પગથી લાતો મારતી પણ દેખાઈ છે.
આજૂબાજૂના લોકો છોકરીને સમજાવાની કોશિશ કરે છે, જો કે ,આ છોકરી કોઈની વાત માનતી ન થી. તે યુવકને સતત મારી રહી છે. જો કે, અમુક સ્થાનિક લોકોએ કહ્યું હતું કે, ઘટનાના સમયે છોકરી ફોન પર વાત કરી રહી હતી, અને તેના કારણે અકસ્માત થયો હતો.સોશિયલ મીડિયા પર વાયરલ થયા બાદ એસપીએસ બધેલે કહ્યું કે, આ મામલે કોઈ ફરિયાદ થઈ નથી. જો આ ઘટનાની ફરિયાદ મળશે તો અમે સંબંધિત વ્યક્તિ વિરુદ્ધ કેસ દાખલ કરી તપાસ હાથ ધરીશું