કમનસીબી / કરોડપતિ બનતા રહી ગઈ આ છોકરી: ખાલી 2 રૂપિયા ન હોવાના કારણે 1734 કરોડ જીતવા છતાં એક પણ રૂપિયો ન મળ્યો

• બ્રિટેનમાંથી એક અનોખો કિસ્સો સામે આવ્યો
• આ છોકરીની કમનસીબી તો જુઓ
• ખાલી 2 રૂપિયા માટે થઈને 1734 કરોડનું ઈનામ જીતી પણ હાથમાં ન આવી રકમ

શું થાય જો આપને અચાનક ખબર પડે કે, આપ એક ઝાટકે કરોડો રૂપિયા જીતી ચુક્યા છે ? સ્વાભાવિક પણે આપ ખુશીથી ઝૂમવા લાગશો. એક 19 વર્ષિય છોકરી સાથે પણ આવું જ થયું. તેને ખબર પડી કે, તે રાતોરાત કરોડપતિ બની ગઈ છે, તેને એક બે નહીં પણ પુરા 1734 કરોડ રૂપિયાનું ઈનામ જીત્યું, પણ આ ખુશી તેના માટે ક્ષણભરની ખુશી બની ગઈ હતી, તો આવો જાણીએ શા માટે આવું થયું.

એક રિપોર્ટ્સમાં જણાવ્યા અનુસાર, બ્રિટેનમાં રહેતી રેચેલ કેનેડી નામની છોકરી પોતાના 21 વર્ષિય પાર્ટનર લિયામ મેકક્રોહન સાથે મળીને છેલ્લા કેટલાય દિવસથી EuroMillions માંથી ટિકિટ ખરીદતા હતા, તેમને ઈનામ લાગતું નહોતું.

રેચેલ અને લિયામ મળીને એક સીરિઝના નંબર  (6, 12, 22, 29, 33, 6 અને 11) પર દાવ રમી રહ્યા હતા. તે જ સમયે રેચેલને ખબર પડી કે, તેમનો નંબર લાગી ગયો છે અને તેણે 182 મિલિયન પાઉંડ (1734 કરોડથી વધારે રૂપિયા ) જીતી લીધા છે, તો તે ખુશીથી ઝૂમવા લાગી અને પોતાના પાર્ટનર લિયામ અને પોતાની માતા સાથે ભવિષ્યનું પ્લાનિંગ કરવા લાગી.

રેચેલને વિશ્વાસ નહોતો આવતો કે, તેને £182 મિલિયનનું ઈનામ લાગ્યું છે. તે જે નંબર પર વારંવાર દાવ રમી રહી હતી, તે યુરોમિલિયન જેકપોટ માટે સિલેક્ટ થઈ ગયો હતો. ત્યારે આવા સમયે કંફર્મ કરવા માટે રેેચેલ યુરોમિલિયન્સની ઓફિસનો સંપર્ક કર્યો, પણ ત્યાંથી જે જવાબ મળ્યો તેનાથી રેચેલની ખુશી પળવારમાં ગાયબ થઈ ગઈ.

આ કારણે ખુશી ગાયબ થઈ

હકીકતમાં યુરોમિલિયન્સની ઓફિસના લોકોએ જણાવ્યું કે, રેચેલને જે નંબર પર દાવ લગાવ્યો હતો, તેના પર ઈનામ લાગ્યું છે કે, પણ તેની રકમ રેચેલને મળી શકશે નહીં, કારણ કે તેના અકાઉન્ટમાં તે દિવસે ટિકિટ ખરીદવા માટે એટલા પુરતા પૈસા નહોતા. તેના ખાતામાં ફક્ત 238 રૂપિયા હતા, અને ટિકિટની કિંમત 240 રૂપિયા હતી, એટલે કે જે નંબર પર ટિકિટનું ઈનામ લાગ્યું તે, ઈનામ રેચેલ ખરીદી શકશે નહીં.

કહેવાય છે કે, રેચેલના ખાતામાં ફક્ત £2.50 હતા, એટલા માટે ટિકિટ ડ્રો પહેલા ઓટોમેટિક ખરીદી શકી નહીં, જે મોટા ભાગે તે આવી રીતે ખરીદતી હોય છે. આવી રીતે એક ભૂલના કારણે ઈનામ મળવા છતાં પણ તે કરોડ પતિ બની શકી નહીં.