ચેતવા જેવો કિસ્સો / 11મા ધોરણમાં ભણતી છોકરી પર 'ઈન્સ્ટા મિત્રે' હોટલમાં કર્યો રેપ, માતાને મોકલી અશ્લિલ તસવીર

• સોશિયલ મીડિયા પર મિત્રતા બાંધનાર છોકરીઓ ચેતી જજો
• ગુરુગ્રામમાં 16 વર્ષની સગીરા પર 'ઈન્સ્ટા મિત્રે' કર્યો રેપ
• હોટલમાં બોલાવીને આચર્યું કુકર્મ, નગ્ન તસવીર માતાને મોકલી
• ન્યૂડ વીડિયો કોલ પણ કર્યો 

આજકાલ સોશિયલ મીડિયા પર મિત્રતા સામાન્ય થઈ ગઈ છે અને આ દ્વારા ઘણી વખત લોકોમાં પ્રેમ અને લગ્ન પણ કરવામાં આવે છે. પરંતુ ઘણી વખત આ પ્રકારની ઓનલાઇન મિત્રતા અત્યંત ખતરનાક સાબિત થાય છે. આવી મિત્રતામાં ક્યારેક છેતરપિંડી, તો ક્યારેક હત્યા અને બળાત્કારનો પણ ભોગ બનવો પડતું હોય છે. 

હરિયાણાના ગુરુગ્રામમાં બની ચોંકાવનારી ઘટના
ગુરુગ્રામમાં 11મા ધોરણમાં ભણતી છોકરી પર તેના ઈન્સ્ટાગ્રામ મિત્રે હોટલમાં વારંવાર રેપ ગુજાર્યો હતો. આરોપીએ રેપ કર્યાં બાદ સગીરાની નગ્ન તસવીરો પણ વીડિયો શુટ કર્યો હતો જે પછી તે વારંવાર દેખાડીને સગીરાને હોટલમાં બોલાવતો હતો અને તેની સાથે દુષ્કર્મ આચરતો હતો. આરોપીએ પીડિતાની એક ન્યૂડ તસવીર તેની માતાને પણ મોકલી આપી હતી જે પછી આખો કાંડ બહાર આવ્યો હતો. આરોપી યુવાને વીડિયો અને તસવીર પણ સોશિયલ મીડિયા પર પોસ્ટ કરી હતી. 

પીડિતાની માતાએ આરોપી સામે નોંધાવી ફરિયાદ 
પીડિતાની માતાએ નોંધાવેલી ફરિયાદ મુજબ, તેની પુત્રીએ ગયા વર્ષે ઉત્તર પ્રદેશના એક વ્યક્તિ સાથે ઇન્સ્ટાગ્રામ પર મિત્રતા કરી હતી અને મિત્રતા દરમિયાન નગ્ન વીડિયો કોલ પણ કર્યા હતા. માતાએ પોલીસને જણાવ્યું હતું કે, ત્યારબાદ આરોપીએ તેની પુત્રીને ગુરુગ્રામની એક હોટલમાં બોલાવી હતી અને ત્યાં તેની સાથે બળાત્કાર ગુજાર્યો હતો. પીડિતાની માતાએ કહ્યું કે આરોપીએ ગયા અઠવાડિયે તેને બે વાર હોટલમાં બોલાવી હતી. માતાએ ફરિયાદમાં જણાવ્યું હતું કે, "મંગળવારે તેણે મારી દીકરીની એક અશ્લીલ તસવીર સોશિયલ મીડિયા પર પોસ્ટ કરી હતી અને તે પણ મને મોકલી હતી. જ્યારે મેં મારી પુત્રીને પૂછ્યું, ત્યારે તેણે મને બનેલી બીના કહી સંભળાવી હતી. પીડિતાની માતાની ફરિયાદ બાદ પોલીસે આરોપી રાજ દ્વિવેદી વિરુદ્ધ મહિલા પોલીસ સ્ટેશનમાં પોક્સો એક્ટની કલમ 8 (જાતીય સતામણી) અને 12 (જાતીય સતામણી), આઈપીસીની કલમ 506 (ગુનાહિત ધાકધમકી) અને આઇટી એક્ટની કલમ 67એ હેઠળ રેપનો ગુનો દાખલ કર્યો હતો. 

સોશિયલ મીડિયા પર અજાણ્યાની સાથે મિત્રતા ભારે પડી શકે છે
સોશિયલ મીડિયાની દોસ્તી કરતી વખતે છોકરીઓએ સાવધાની થઈ જવાની જરુર છે અને તેમાંય અજાણ્યા સાથે દોસ્તી તમને ભારે પડી શકે છે. સોશિયલ મીડિયામાં અવારનવાર આવી ઘટનાઓ સામે આવતી હોય છે.