નવા બનેલા જમ્મૂ કાશ્મીર અને લદ્દાખ કેન્દ્ર શાસિત પ્રદેશોમાં રાષ્ટ્રપતિએ ઉપરાજ્યપાલોની નિમણૂંક કરી છે. ત્યારે આજરોજ બંન્ને રાજ્યોના ઉપરાજયપાલે આજરોજ પદની ગોપનીયતાના શપથ લીધા હતા.
કાશ્મીર અને લદ્દાખને મળ્યા નવા ઉપરાજ્યપાલ
દ્દાખના ઉપરાજ્યપાલ તરીકે રાધાકૃષ્ણ માથુરે લીધી શપથ
કાશ્મીરના ઉપરાજ્યપાલ ગિરીશ ચંદ્ર મુર્મુએ લીધી શપથ
સરદાર વલ્લભભાઇ પટેલની જયંતીના દિવસે કેન્દ્રશાસિત પ્રદેશ બનેલા લદ્દાખના ઉપરાજ્યપાલ તરીકે રાધાકૃષ્ણ માથુરે સોગંદ લીધા હતા. જમ્મુ કશ્મીરની હાઇકોર્ટના ચીફ જસ્ટિસે તેમને હોદ્દાના સોગંદ લેવડાવ્યા હતા.
આ તરફ શ્રીનગરમાં ગિરીશ ચંદ્ર મુર્મુએ જમ્મુ કાશ્મીરના પહેલા ઉપરાજ્યપાલ તરીકેના શપથ લીધા છે. લદ્દાખમાં પહેલાં ઉપરાજ્યપાલ તરીકે રાધાકૃષ્ણ માથુરે લેહમાં શપથ લીધા છે. જમ્મુ-કાશ્મીર હાઈકોર્ટના મુખ્ય જસ્ટિસ ગીતા મિતત્લે બંનેને સાથે શપથ અપાવ્યા છે.
ગુજરાત કેડરના IAS છે ગિરીશ ચંદ્ર મુર્મુ
Girish Chandra Murmu takes oath as the first Lt. Governor of the Union territory of Jammu and Kashmir pic.twitter.com/ngHqeeo809
જમ્મુ-કાશ્મીરના ઉપરાજ્યપાલ ગિરીશ ચંદ્ર મુર્મુ 1985 બેન્ચના ગુજરાત કેડરના આઈએએસ અધિકારી છે. તેમની નિમણૂકનો આદેશ મુખ્ય સચિવ બી.વી.આર સુબ્રમણ્યમે વાંચ્યો હતો. જેમણે આજે પદની ગોપનીયતાના શપથ લીધા હતા.
રાધા કૃષ્ણ માથુર 1977 બેચના નિવૃત્ત IAS
Leh: Radha Krishna Mathur takes oath as the first Lieutenant Governor of Union Territory of Ladakh. pic.twitter.com/lYpybg1YD0
લદ્દાખના પ્રથમ રાજ્યપાલ બનેલા રાધા કૃષ્ણ માથુર 1977 બેચના ત્રિપુરા કેડરના આઈએએસ અધિકારી છે. તેઓ નવેમ્બર 2018માં મુખ્ય સૂચના આયુક્ત પદથી નિવૃત્ત થયા હતા. તેમણે કેન્દ્રમાં એક્સપેન્ડિચર (ખર્ચ) સચિવ તરીકે પણ કામ કરેલું છે.
રેડિયો સ્ટેશનના નામમાં પણ થયો ફેરફાર
નોંધનીય છે કે, બંન્ને રાજ્યોને દરજ્જો મળવાની સાથે જ જમ્મુ, શ્રીનગર અને લેહના રેડિયો સ્ટેશનનું નામ પણ બદલી દેવામાં આવ્યું છે. આજથી જ આ સ્ટેશનથી રેડિયો કાશ્મીરની જગ્યાએ ઓલ ઈન્ડિયા રેડિયો અને આકાશવાણીના નામથી પ્રસારણ શરૂ થઈ ગયું છે. હવે આ રેડિયો સ્ટેશનનું નામ ઓલ ઈન્ડિયા રેડિયો જમ્મુ, ઓલ ઈન્ડિયા રેડિયો શ્રીનગર અને ઓલ ઈન્ડિયા રેડિયો લદ્દાખ કરી દેવામાં આવ્યું છે.