ડાંગના સુબિર તાલુકાની ગીરા નદી પર આવેલા ગિરમાળનો ધોધ અને વન દેવીનો નેકલેસ એટલે ગીરા નદીનો યુ આકારનો વળાંક ખીલી ઉઠ્યો છે.
અહીં નદીનો 'યુ' આકાર પાણીના આભૂષણ જેવો લાગે છે
ડાંગનો ગિરાધોધ સમગ્ર ગુજરાતમાં આકર્ષણનું કેન્દ્ર
300 ફૂટની ઉંચાઈથી પડે છે આ ધોધ
ડાંગ જિલ્લાનાં સુબિર તાલુકાનાં ગીરા નદી ઉપર આવેલ "ગિરમાળનો ધોધ" અને "વન દેવીનો નેકલેસ" એટલે ગીરા નદીનો યુ આકારનો વળાંક ચોમાસાની ઋતુમાં મનમોહક બની ખીલી ઉઠ્યા છે. કુદરતે અહીં છુટા હાથે સૌંદર્ય વેરતા અહીં ચોમાસાની ઋતુ દરમ્યાન અસંખ્ય પ્રવાસીઓ ઉમટી પડે છે.
'યુ' આકાર પાણીના આભૂષણ જેવો લાગે છે
ડાંગ જિલ્લામાં ચોમાસામાં વહેતા ઝરણાઓ આકર્ષણનું કેન્દ્ર બને છે. ભારે વરસાદના કારણે અનેક ધોધ સક્રિય થઇ ગયા છે. ત્યારે ડાંગના સુબિર તાલુકાની ગીરા નદી પર આવેલા ગિરમાળનો ધોધ અને વન દેવીનો નેકલેસ એટલે ગીરા નદીનો યુ આકારનો વળાંક ખીલી ઉઠ્યો છે. ગીરા નદીના યુ આકારના વળાંકના અદભૂત દ્રશ્યો સામે આવ્યા છે. નદીના યુ આકારમાં પાણી આભૂષણ જેવું લાગી રહ્યું છે. આ કુદરતી સૌંદર્યને નીહાળવા અસંખ્ય પ્રવાસીઓ અહીંયા આવે છે.
ડાંગ જિલ્લામાં ચોમાસું વરસાદ થતાં જ જિલ્લાની ચારેય નદીઓ સક્રિય બને છે. આ નદીઓમાં વહેતાં ઝરણાંઓ આકર્ષકનું કેન્દ્ર છે. સાથે જ ભારે વરસાદનાં કારણે જિલ્લાનાં અનેક ધોધ સક્રિય બને છે. નાનાં જળ ધોધની સાથે અહીં વઘઇ નજીક આવેલ અંબિકા નદીનો ગીરા ધોધ સમગ્ર ગુજરાતમાં પ્રખ્યાત ધોધ તરીકે ઓળખાય છે.
300 ફૂટ ઊંચેથી પડે છે ધોધ
પરંતુ આ સિવાય પણ ડાંગમાં ગીરા નદી ઉપર ગીરમાળ ધોધ આવેલ છે જે ગીરા ધોધથી પણ ઓળખાય છે. આ ધોધ સુબિર વિસ્તારનાં અંતરિયાળ વિસ્તારમાં આવેલ છે. ડાંગ જિલ્લાનો સૌથી ઉંચામાં ઉંચો ધોધમાં ગિરમાળનાં ગીરાધોધનો સમાવેશ થાય છે. ડાંગ ઉપરાંત ગુજરાતનાં સૌથી ઉંચા ધોધમાં ગિરમાળ ધોધનો સમાવેસ થાય છે. આ ધોધ આશરે 300 ફૂટ ઊંચેથી પડે છે.
નદીનાં પાણીની આવકથી ગિરમાળનો ધોધ સક્રિય બને છે
ચોમાસાની ઋતુ દરમ્યાન ગીરા નદીનાં પાણીની આવક સાથે ગિરમાળનો ધોધ સક્રિય બને છે. ગિરમાળનો ધોધ અંતરિયાળ વિસ્તારમાં હોવા છતાંય પ્રકૃતિ પ્રેમી પ્રવાસીઓ અહી અચૂકપણે મુલાકાત લઈ યાદગાર સંભારણુ બનાવે છે. જ્યારે ગિરમાળ ગીરા ધોધ જતા પહેલા ગીરા નદી પર આવેલ અન્ય આકર્ષક સ્થળ એવા વનદેવીનો નેકલેસની વાત કરીએ તો ચોમાસાની ઋતુ દરમ્યાન નદીનાં યુટર્ન આકારમાં ડહોળુ પાણી લીલીછમ વનકન્દ્રાઓનાં સુંદરતામાં વધારો કરે છે. આ લિલી વનકન્દ્રાઓને ગીરા નદીનો પાણીથી ભરેલો યુટર્ન આકાર આભૂષણ તરીકે નેકલેશની ગરજ સારતા આ સ્થળ વનદેવીનાં નેકલેસ તરીકે પ્રવાસીઓની નજરને ઠરીઠામ બનાવે છે.