સૌંદર્ય ખીલ્યું / વરસાદમાં ફરવા જવાનો પ્લાન હોય તો અહીં ગોઠવજો, ગીરા, જમજીર, પાલર ધુના, ઝરવાણી ધોધના મનમોહી લેવા દ્રશ્યો

• પહાડોમાં છવાઈ હરિયાળી
• પર્યટકો માટે આકર્ષણ બન્યા ધોધ
• કુદરતને ખોળે પહોંચ્યા પર્યટકો

રાજ્યમાં વરસાદી માહોલ જામ્યો છે.. જેના કારણે ચારેઓર લીલીછમ હરિયાળી છવાઈ ગઈ છે.ત્યારે નર્મદા જિલ્લામાં વરસાદી માહોલના કારણે પ્રકૃતિ સોળેકળાએ ખિલી ઊઠતા આહલાદક દ્રશ્યો જોવા મળ્યા.તો પર્યટકો પણ પ્રકૃતિને માણતા જોવા મળ્યા.ત્યારે આવો વરસાદી માહોલ સાથે પ્રકૃતિને નિહાળીએ.

ગીરા ધોધ: ડાંગ
ડાંગમાં વરસાદી મોસમમાં કુદરતી સૌદર્ય ખીલી ઉઠ્યું છે. વરસાદ વરસવાથી ડાંગ જિલ્લાનો પ્રખ્યાત એવો ગીરા ધોધ સક્રિય થયો છે. વધઇમાં આવેલો ગીરા ધોધ સૌંદર્યની શોભા બન્યો છે. જંગલની વચ્ચે ગીરા ધોધ શરૂ થતાં આહલાદક દ્રશ્યો જોવા મળી રહ્યા છે. આપને જણાવી દઈએ કે દર વર્ષે ચોમાસામાં સહેલાણીઓ અહીં કુદરતી સૌંદર્યની મજા માણવા ઉમટી પડતા હોય છે.

જમજીર ધોધ: ગીરસોમનાથ 
ગીર સોમાનાથમાં પણ છેલ્લા 6 દીવસથી વરસાદ ખાબકી રહ્યો છે. ભારે વરસાદમાં જમજીર ધોધ જીવંત થતા અદભૂત કુદરતી નઝારો જોવા મળી રહ્યો છે.  જંગલની લીલી વનરાયુંમાં ખળ ખળ વહેતા પાણીમાં આ ધોધનો અવાજ લોકોને મોહી રહ્યો છે. ગીરસોમનાથની આસપાસના જિલ્લાઓના લોકો આ સૌદર્યને માણવા ઉમટી પડ્યા છે.

પાલર ધુના ધોધ: નખત્રાણા
કચ્છ જિલ્લામાં વરસાદી માહોલ જામ્યો છે. આજ સવારથી મેઘ સવારી અવિરત મહેર વરસાવી રહી છે. વરસાદ બાદ નખત્રાણામાં કુદરત સોળે કળાએ ખીલ્યુ છે. પાલર ધુના ધોધમાં નયનરમ્ય દ્રશ્યો મન મોહી લે તેવા છે.મોટી સંખ્યામાં લોકોકુદરતનો નજારો માણવા પહોંચી ગયા છે. હિલસ્ટેશન જેવી અનુભૂતિ થઈ હોવાની લોકો વાત વાગોળી રહ્યા છે. 

ઝરવાણી ધોધ: નર્મદા
ચોમાસાની ઋતુમાં નર્મદા જિલ્લાની પ્રકૃતિ સોળે કળા એ ખીલીઉઠે છે અને ધરતી માટે જાણે લીલીછમ ચાદર ઓઢીદીધી હોય તેવું દ્રશ્ય તો સર્જાય જ છે પરંતુ નદી અને નાળા  છલકાવવાથી સૌંદર્યમાં ઓર વધારો થાય છે વળી જિલ્લામાં આવેલ કુદરતી ધોધ  ઝરવાણી જિલ્લાની ઓળખ પણ બન્યો  છે ત્યારે હાલ તો ઝરવાણી ધોધ પાસે વાતાવરણ લીલુંછમ બન્યું છે.

ટપકેશ્વરી ડુંગર ધોધ: કચ્છ
કચ્છમાં ધોધમાર વરસાદ વચ્ચે ભુજ નજીક ડુંગર વિસ્તારમાં કુદરતી ધોધના સુદર દ્રશ્યો દેખાયા છે. કુદરતી ધોધ મહાદેવ મંદિર પર જળાભિષેક કરી રહ્યો હોય તેવુ લાગી રહ્યું છે. ટપકેશ્વરી ડુંગર વિસ્તારમાં આસ્થા સાથે કુદરતી સૌદર્યને માણવા લોકોના ટોળે ટોળા પહોંચી રહ્યા છે.