ગીર-સોમનાથ: ગીતા રબારી પર વેરાવળમાં નોટોનો વરસાદ થયો હતો. વેરાવળમાં દીકરીના લાભાર્થે ડાયરાનું આયોજન કરવામાં આવ્યું હતું. આ કાર્યક્રમમાં વિવિધ કલાકારોએ ગીતો ગાયા હતા. આ દરમિયાન ગીતા રબારી સ્ટેજ પર આવીને ગીતની શરૂઆત કરતા લોકો ઝૂમી ઉઠ્યા હતા. લોકોએ નોટોનો વરસાદ કર્યો હતો. લોકોએ ડાયરામાં ગીતા રબારી પર લાખો રૂપિયા ઉડાવ્યા હતા.
ઉલ્લેખનીય છે કે ગુજરાતી ગાયક કલાકારોનો ડાયરો હોય ને નોટો ના ઉડે તો તેણે ડાયરો ના કહેવાય. પછી ગુજરાત હોય કે વિદેશ પણ નોટો તો ડાયરામાં ઉડે તે સ્વાભીક છે. ત્યારે સૌરાષ્ટ્રના વેરાવળમાં પ્રસિદ્ધ લોક ગાયીકા ગીતા રબારીના ડાયરામાં ફરી એક વાર રૂપિયાનો વરસાદ થયો હતો.
દીકરીના લાભાર્થે વેરાવળ ખાતે યોજવામાં આવેલા લોકડાયરામાં ગુજરાતના કેટલાય નામી અનામી કલાકારોએ પોતાના સૂર રેલાવ્યા હતા અને દર્શકોની વાહ-વાહ મેળવી હતી. જો કે જાણીતી લોકગાયીકા ગીતા રબારીએ પોતના સૂર રેલાવતા ડાયરામાં હાજર રહેલા તમામ ઝૂમી ઉઠ્યા હતા.