ગીર સોમનાથમાં દોઢ મહિના પહેલા વરસાદે સર્જેલી તારાજીમાં ખેડૂતોના મગફળી અને બાજરીના પાક તબાહ થયો છે સરકારે ખેડૂતોને વળતર ચુકવણી જાહેરાત કરી છે પરંતુ જે વીમા કંપનીઓએ ખેડૂતોને વળતર ચૂકવ્યું નથી. વીમા કંપનીઓએ ફરી એક વખત હાથ ઊંચા કરી દેતા ખેડૂતો મુશ્કેલીમાં મુકાયા છે.
ખેડૂતોને પાક વીમની રકમ ન મળતા આક્રોશ
હાઇકોર્ટના દરવાજા ખડાવશે
પાક વીમા કંપની રૂપિયા કરી ગઇ ચાઉ
ગીર સોમનાથના ખેડૂતોના મગફળી બાજરી સહિતના પાકો નિષ્ફળ ગયા તો બીજી તરફ ખેડૂતોના વીમા પણ ન મળતા ખેડૂતો હાઇકોર્ટના દરવાજા ખડાવશે. સોમનાથમાં દોઢ મહિના પહેલા વરસાદે સર્જેલી તારાજી, અતિવૃષ્ટિથી સતત મગફળી અને બાજરીના પાક તબાહ થયો છે. સરકારે ખેડૂતોને વળતર ચુકવણી જાહેરાત કરી છે પરંતુ વળતર ચૂકવ્યું નથી. ખેડૂતો પાસેથી પ્રિમિયમ રૂપે કરોડો રૂપિયા વસૂલી ચુકેલી વીમા કંપનીઓએ હાથ ખંખેરી લીધા છે. પાક નિષ્ફળ થયા બાદ 15 દિવસમાં વીમા કંપનીઓએ સર્વે કરી ખેડૂતોને વીમો ચૂકવાનો હોય છે. હજુ સુધી ગયા વર્ષનો વીમો ચૂકવાયો છે કે ન તો આ વર્ષના વીમો ચુકવાયો છે.
ખેડૂતો વીમાની રકમ વસૂલવા કાલાવાલા કરી રહ્યા છે. વીમા કંપનીઓમાં ફોન કરી જવાબ માંગી રહ્યા છે. પરંતુ ન તો વીમાની રકમ મળી રહી છે કે ન તો કંપનીઓ જવાબ આપી રહી છે. ખેડૂતો પોતાના ન્યાય માટે કલેકટર અને સરકારને વારંવાર આવેદનો પાઠવી ચૂક્યા છે. વીમા કંપનીઓએ જાણે ખેડુતો પર લૂંટ ચલાવી હોઈ તેવા આંકડા સામે આવ્યા છે. વીમા પ્રિમિયમના નામે કરોડો રૂપિયા વસૂલી લેવામાં આવ્યા છે પરંતુ ખેડૂતોને એક રૂપિયો ચૂકવાયો નથી.
ગીર સોમનાથ જીલ્લાના આંકડા ?
વર્ષ 2016/17
ખરીફ પાક 8286576.79 રૂપિયા
વર્ષ 2016/17
ઉનાળુ પાક 11272330.33
વર્ષ 2017/18
રવિ-ઉનાળુ પાક 6201292.93
ખરીફ પાક 20689694.13
વર્ષ 2018/19
રવિ-ઉનાળુ પાક 8318936.80
ખરીફ પાક 32535461.82
વર્ષ 2019/20
ખરીફ પાક 44163158
રવિ-ઉનાળુ 6129304.68
ખેડૂતો પોતાના ન્યાય માટે કલેક્ટર અને સરકારને વારંવાર આવેદનો પાઠવી ન્યાય માંગી રહ્યાં છે. આમ વીમા કંપનીઓ દર વર્ષે ગીરના ખેડૂતો પાસે વિમાના નામે કરોડો રૂપિયા હડપ કરી રહી છે. જેની સામે ખેડૂતો મા ભારે રોષ ભભૂકી ઉઠ્યો છે. આખરે ખેડૂતોએ સરકારની આશા છોડીને હાઇકોર્ટના દરવાજા ખટખટાવ્યા છે. ખેડૂતોએ વીમાની રકમ મુદ્દે હાઇકોર્ટમાં PIL દાખલ કરી છે.