કેરીના શોખીનો માટે સારા સમાચારઃ ગીરની કેસર કેરીનો આ વર્ષે થશે મબલખ પાક આંબા પર ફ્લાવરીંગ

જૂનાગઢઃ ગીરની પ્રખ્યાત કેસર કેરી માટેના સારા સમાચાર છે. કેરીને સારું વાતાવરણ મળતા આ વર્ષે કેરીની આવક પણ સારા એવા પ્રમાણમાં થવાની છે. હાલ આંબાના ઝાડ પર ખુબ સારા પ્રમાણમાં મોર જોવા મળી રહ્યા છે. જેના લીધે કેરીના ઉત્પાદનમાં ખુબ મોટા પ્રમાણ વધારો થશે.

ગીરની વિશ્વ વિખ્યાત કેસર કેરી આ વર્ષની સીઝનમાં ખુબ મોટા પ્રમાણમાં ઉત્પાદન થવાની સંભાવના બાગાયતની ખેતી કરતા ખેડૂતો માની રહ્યા છે. હાલ શિયાળાની ઋતુમાં ખુબ સારા પ્રમાણમાં ઠંડી પડતા હાલ આંબાના ઝાડ પર સારા એવા પ્રમાણમાં ફ્લાવરીંગ જોવા મળી રહ્યું છે. જેના લીધે કેરીનો મબલખ પાક થશે અને સીઝન પણ લાંબી ચાલશે. એટલે વર્ષે કેરી ખાવાના શોખીનો માટે ખુબ સારા સમાચાર આવી રહ્યા છે.

ગીરના અનેક વિસ્તારોમાં નાની નાની કેરીઓ પણ આંબા ઝાડ પર જોવા મળી રહી છે. ત્યારે કાચી કેરીનું આગમન તો માર્ચ મહિના જોવા મળશે. જ્યારે કેરીની બાગાયત ખેતી કરતા ખેડૂતનું કેહવું છે કે છેલ્લા એક મહીનાથી ઠંડી પડી રહી છે જેના લીધે કેરી માટે ખુબ ફાયદાકારક છે. ઠંડીના કારણે આજે આંબાના ઝાડ પર કોઈ જીવાત કે રોગ જોવા નથી મળતો. 40% જેટલા આંબા પર સારું એવું ફ્લાવરિંગ જોવા મળી રહ્યું છે. જેથી કેરી સારા પ્રમાણમાં આવશે.