બોલિવૂડ એક્ટર અરબાઝ ખાન હાલમાં તેની જોર્જીયા સાથેની રિલેશનશીપને લઇને ચર્ચામાં છે. મલાઇકા અરોરાથી અલગ થયા બાદ તે જૉર્જીયાને ડૅટ કરી રહ્યો છે તે વાત કોઇનાથી છુપાયેલી નથી. અરબાઝ ખાન ઘણી વાર જૉર્જીયા સાથે ફરતા પણ નજરે પડે છે.
જૉર્જીયાએ આ ફોટોશૂટ સમુદ્ર કિનારે પેસ્ટલ કલરની બિકીનીમાં કરાવ્યું છે. જેમાં તે ખુબ જ અલગ અંદાજમાં દેખાઇ રહી છે. આ ફોટોશૂટમાં જૉર્જીયાનો ગ્લેમરસ અવતાર દેખાઇ રહ્યો છે.
ઇન્ટરનેટ પર આ તસવીરો ખૂબ જ વાયરલ થઇ રહી છે અને ફેન્સ વચ્ચે પણ આ વાતની ચર્ચાઓ થઇ રહી છે.
મલાઇકા અને અરબાઝના સંબંધો
ડિવોર્સ બાદ અરબાઝ તથા મલાઈકા પોત-પોતાના જીવનમાં આગળ વધી ગયા છે. ડિવોર્સ બાદ પણ બંને એકબીજા સાથે ઘણી જ સહજતાથી મળતા રહે છે અને વાતચીત કરતા રહે છે અને પોતાના દિકરા અરહાન ખાન સાથે સમય પસાર કરતા ઘણી વખત જોવા મળે છે. અરબાઝે ડિવોર્સને લઈને કહ્યું હતું કે જ્યારે તમારે બાળક હોય ત્યારે આ પગલું ભરવું ઘણું જ મુશ્કેલ બની જાય છે પરંતુ આ જરૂરી હતું. કેટલાંક સંબંધો એક એવા તબક્કે પહોંચી જાય છે કે જેમાંથી અલગ થવાનો જ એકમાત્ર રસ્તો રહે છે.
આ સિવાય એક્ટર -પ્રોડ્યુસર અરબાઝ ખાનને પૂછવામાં આવ્યું કે ડિવોર્સની વાત પર તેના દિકરાનું રિએક્શન શું હતું? જેના જવાબમાં અરબાઝે કહ્યું હતું કે તે સમયે અરહાનની ઉંમર માત્ર 12 વર્ષની હતી. તેને બધી જ ખબર હતી કે શું ચાલી રહ્યું છે. તેથી તેને વધુ સમજાવવાની જરૂર પડી નહોતી.