લોકપ્રિયતા / Video: ઉત્તરપ્રદેશની બાર્બર ગર્લ્સ ચમકી એડ્ ફિલ્મમાં

બનવારી ટોલાઃ હજી થોડા મહિના પહેલાં જ ઉત્તર પ્રદેશના કુશીનગર જિલ્લાના બનવારી ટોલા ગામમાં બે ટીનેજ છોકરીઓ તેના પપ્પાની બાર્બરની શોપ ચલાવતી હોવાની વાત સામે આવી હતી. 

વાત એમ હતી કે પિતા અતિશય ગંભીર માંદગીમાં પટકાતાં પરિવારની બે મોટી છોકરીઓએ ઘરની આર્થિક ધુરા સંભાળવા માટે પપ્પાની વાળંદની દુકાન પર છોકરો બનીને જવાનું શરૂ કરી દીધું હતું. ર૦૧૪ની સાલથી આ સિલસિલો ચાલ્યો આવતો હતો.

શરૂઆતમાં તેમને ચિંતા હતી કે છોકરી પાસે કોઇ વાળ કપાવવા કે હજામત કરાવવા નહીં આવે. એ જ ડરને કારણે બન્ને છોકરીઓ પોતાનો લુક અને નામ બદલીને છોકરા જેવી બની ગઇ. આ દુકાનમાં કમાણી કરીને બન્નેએ પિતાના ઇલાજનો ખર્ચ કાઢ્યો, પોતાનું ભણતર કર્યું અને પરિવારને મદદ કરી હતી થોડા મહિના પહેલાં જ તેમણે પોતે છોકરી હોવાનું જાહેર કર્યું હતું. ગામના લોકોએ પણ આ વાત જાણીને તેમને ખૂબ સપોર્ટ કર્યો. 

આ ઘટના પરથી એક બ્લેડની ઇન્ટરનેશનલ બૉન્ડે નવું એડ-કેમ્પેન બનાવ્યું છે. આ જાહેરાતમાં જ્યોતિ અને નેહાની વાર્તા તેમજ ગામના લોકોનો હકારાત્મક અભિગમ જોવા મળે છે. ર૬ એપ્રિલે યુ ટ્યૂબ પર મુકાયેલી આ જાહેરાતને અત્યાર સુધીમાં ૩૦ લાખથી વધુ વ્યૂ મળી ચૂક્યા છે અને બોલિવૂડના અનેક સિતારાઓએ આ માટે બાર્બર-બહેનોનાં વખાણ કર્યાં છે.