ઈલેક્શન 2022 / ગાંધીનગર જિલ્લામાં કોંગ્રેસ અને ભાજપનો પ્રચાર દરમિયાન થયો ભેટો, પક્ષના ગીતો સામ સામે વાગ્યા, જુઓ VIDEO

• ગાંધીનગરમાં પ્રચારનો ધમધમાટ
• કોંગ્રેસ અને ભાજપનો પ્રચાર દરમિયાન થયો ભેટો
• બંને પક્ષોના ગીતો સામ સામે વાગ્યા

વિધાનસભાની ચૂંટણીને લઈ રાજકારણમાં પહલ ચહલ મચી છે. જેમ જેમ મતદાનની તારીખો નજીક આવી રહી છે તેમ તેમ રાજકીય માહોલ વધુને વધુ ગરમાતો જોવા મળી રહ્યો છે.  કોંગ્રેસ, ભાજપ અને આમ આદમી પાર્ટી દ્વારા પ્રચંડ પ્રચાર કરવામાં આવી રહ્યો છે. એક તરફ વડાપ્રધાન મોદી અને અમિત શાહ પ્રચંડ પ્રચારમાં લાગેલા છે તો બીજી તરફ કોંગ્રેસના દિગ્ગજ નેતાઓ સભાઓ ગજવી રહ્યાં છે તો આમ આદમી પાર્ટીના અરવિંદ કેજરીવાલ અને ભગવંત માન પણ પ્રચારના મેદાને ઉતર્યો છે તો વળી ઉમેદાવરો પોતે પણ પોતાના મત વિસ્તારમાં શક્તિ પ્રદર્શન અને લોક સંપર્ક તેમજ સભાઓ ગજવી રહ્યાં છે. આ બધાની વચ્ચે ગાંધીનગરના ઉવારસદ ખાતે અનોખા દ્રશ્યો સર્જાયા છે. કોંગ્રેસ અને ભાજપનો પ્રચાર દરમિયાન ભેટો થયો છે, જુઓ વીડિયો..

કોંગ્રેસ અને ભાજપનો પ્રચાર દરમિયાન થયો ભેટો
ગાંધીનગરના ઉવારસદ ખાતે અનોખા દ્રશ્યો  સર્જાયા છે જ્યાં કોંગ્રેસ અને ભાજપના પ્રચાર દરમિયાન ભેટો થયો છે. ભાજપની સભા અને કોંગ્રેસના રોડ શોમાં પોત પોતાના પક્ષના ગીતો સામ 
સામે વાગતા હતા. ભાજપની સભા પહેલા કોંગ્રેસના ઉમેદવાર રોડ શો કરી પોતાની સભા સ્થળે પાસે પહોંચ્યા હતાં. અલ્પેશ ઠાકોર અને સ્મૃતિ ઈરાનીની સભા પહેલા હિમાંશુ પટેલનો રોડ શો યોજાયો હતો.