Video: ચકડોળની એક ટ્રોલી તુટતા એક બાળકીનું મોત બોલ્ટ ખુલી જતાં થઇ દુર્ઘટના

આંધ્રપ્રદેશ: અનંતપુર જિલ્લામાં હૃદય થંભાવી દે તેવી ઘટના સામે આવી છે. અહીં એક ચકડોળની મજા માણવા ગયેલા પરિવાર પર આફત તૂટી પડી. ચકડોળ ફરતો હતો તે સમયે એક ટ્રોલી તૂટીને નીચે પડે છે. જેના કારણે 10 વર્ષીય બાળકીનું ઘટનાસ્થળે જ મોત નિપજે છે. આ દુર્ઘટનામાં 6 લોકો ગંભીર રીતે ઘાયલ થયા છે. જેમાં 3 બાળકોનો સમાવેશ થાય છે. 

અનંતપુર જિલ્લામાં લાગેલા મેળામાં વિશાળકાય ચકડોળની એક ટ્રોલીનો બોલ્ટ અચાનક ખુલી જવાથી આ દુર્ઘટના ઘટી હતી. મૃતક બાળકીનું નામ અમૃતા હોવાનું સામે આવ્યું છે. ઘાયલોને અનંતપુરના જનરલ હોસ્પિટલમાં દાખલ કરવામાં આવ્યા છે.

સ્થાનિકોનું માનીએ તો ટ્રોલીનો નટ બોલ્ટ ઢીલો હતો. અને ચકડોળનો ઓપરેટરને સતર્ક પણ કર્યો હતો. જોકે તે નશાની હાલતમાં હોવાથી તેને ધ્યાને ન લીધું.

જોકે ઘટના બાદ લોકોએ ઓપરેટરને પકડીને પિટાઈ કરી હતી. અને પોલીસને સોંપ્યો છે. તો જિલ્લા તંત્રએ આ મામલે તપાસનો આદેશ આપ્યો છે.