બ્રાઝિલના એક તળાવમાં કેટલાક લોકો માટે બોટિંગની મજા ભયાનક સજા બની ગઈ હતી. તેઓની બોટ પર એક ખડક તૂટી પડ્યો હતો જેના કારણે 6 લોકોના મોત થયા હતા.
બ્રાઝિલમાં બની ભયાનક દુર્ઘટના
બોટિંગ કરી રહેલા લોકો પર બોટ પડી
6 લોકોના મોત, 32 થી વધારે ઘાયલ
બ્રાઝિલના એક તળાવમાં કેટલાક લોકો માટે બોટિંગની મજા સજા બની ગઈ હતી. અહીં બોટિંગ માણી રહેલા કેટલાક લોકો સાથે એક દુ:ખદ અકસ્માત સર્જાયો હતો.
છ લોકોના મોત
આ ઘટનામાં છ લોકોના મોત થયા હતા અને ઘણા લોકો ગુમ થયા હતા.
બન્યું હતું એવું કે બ્રાઝિલના એક તળાવમાં ખડકોનો ટુકડો તૂટીને બોટ પર પડતા શનિવારે ઓછામાં ઓછા છ લોકોના મોત થયા હતા.
મિનાસ ગેરાઈસ રાજ્યના ફાયર વિભાગના કમાન્ડર એડગાર્ડ એસ્ટેવોએ એક પ્રેસ કોન્ફરન્સમાં જણાવ્યું હતું કે છ લોકોના મોત થયા હતા અને ઓછામાં ઓછા 20 અન્ય લોકો ગુમ થયાની આશંકા છે.
આ ઘટનામાં ઓછામાં ઓછા 32 લોકો ઘાયલ થયા હતા, જેમાંથી મોટાભાગનાને શનિવારે સાંજે હોસ્પિટલમાંથી રજા આપવામાં આવી હતી, એવી માહિતી અધિકારીઓએ આપી હતી.
આ અકસ્માતનો વીડિયો સોશિયલ મીડિયા પર જોરદાર શેર કરવામાં આવી રહ્યો છે. ઘટનાના વીડિયોમાં, લોકો ફર્નેસ લેક પર બોટ રાઈડની મજા લેતા જોવા મળ્યા હતા જ્યારે ખડકનો એક ભાગ તૂટીને બોટ પર પડ્યો હતો. એસ્ટેવોએ જણાવ્યું હતું કે અકસ્માત જોસ ડા બારા અને કેપિટોલિયો એ બે શહેરોની વચ્ચે થયો હતો.
વરસાદના કારણે ઢીલો પડ્યો ખડક
મિન્સ ગૈરેસ રાજ્યનાં પ્રેસ કાર્યાલયે ન્યૂઝ એજન્સી એસોસીએટેડ પ્રેસ ને જણાવ્યું હતું કે ફાયર વિભાગની મદદ માટે હેલિકોપ્ટર્સ તૈનાત કરવામાં આવ્યા હતા.
રાજ્યનાં ગવર્નર રોમુ જેમાંએ સોશ્યલ મીડિયા પર પીડિતો માટે એક સંદેશ શેર કર્યો હતો.
ફર્નાસ જળાશયને મિનાસનો સમુદ્ર કહેવામાં આવે છે, અહીં સાઓ પાઉલોના ઉત્તરમાં લગભગ 420 કિમી ક્ષેત્રમાં એક લોકપ્રિય પર્યટક આકર્ષણ છે.
રાજ્ય નાગરિક સુરક્ષા અનુસાર મિનસ ગેરેસ રાજ્યમાં ભારે વરસાદ વરસી રહ્યો છે અને તેના કારણે આવેલા પૂરમાં 17,000 લોકો બેઘર થઈ ગયા છે. અધિકારીઓએ કહ્યું હતું કે અગાઉથી વરસાદના કારણે દીવાલો ઢીલી અને નબળી પડી ગઈ હતી. બચાવમાં મદદ કરનારી બ્રાઝિલને નૌસેનાએ કહ્યું હતું કે દુર્ઘટનાના કારણોની તેઓ તપાસ કરશે.