આ અઠવાડિયામાં એક મહાકાય એસ્ટેરોઇડ તીવ્ર ગતિથી પૃથ્વી તરફ આવી રહ્યો છે, 24 જુલાઈએ પૃથ્વીની નજીક હશે. અમેરિકાની અંતરિક્ષ એજન્સી NASAએ ચેતવણી આપતા જણાવ્યું છે કે, આ એસ્ટેરોઇડ સંભવિત રીતે ખતરો હોઈ શકે છે.
આ એસ્ટેરોઇડ બ્રિટેનના પ્રસિદ્ધ લેંડમાર્ક ચકડોળ "લંડન આઈ" ના આકારથી લગભગ દોઢ ઘણો મોટો છે. એવું પણ થઈ શકે છે કે આ "લંડન આઈ" ની તુલનામાં લગભગ 50 ટકા મોટો હોઈ શકે છે. લંડન આઈ ૪૪૩ મિટર ઊંચું એક વ્હીલ છે, એટલે કે એસ્ટેરોઇડ આનાથી પણ મોટું હોવાની આશંકા છે.
ઉલ્લેખનીય છે કે, નેશનલ એયરોનોટીક્સ એન્ડ સ્પેસ એડમિનિસ્ટ્રેશન (NASA) એ ચેતવણી આપી છે કે, જે રીતે આ વિશાળ એસ્ટેરોઇડ પૃથ્વી તરફ આગળ વધી રહ્યો છે, એ પ્રમાણે તેને હળવાશમાં લઈ શકાય એમ નથી. NASA એ તેને એસ્ટેરોઇડલ 2020ND નામ આપ્યું છે.
શું છે આ સંભવિત એસ્ટેરોઇડ
સંભવિત ખતરનાક એસ્ટેરોઇડ એક માપ છે. એમાં અંતરીક્ષના વૈજ્ઞાનિકો એવા તત્વોને શામેલ કરે છે જે પૃથ્વીની નજીક અવનારા ખતરા તરીકે માપવામાં આવે છે.
એસ્ટેરોઇડ મૂળ રૂપથી ગ્રહોના ટુકડા હોય છે. આ ટુકડા પૃથ્વી, બુધ, શુક્ર અને મંગળ આ ચાર ગ્રહોના જન્મ સમયથી હોય છે. સૂર્યમંડળ જયારે આ ચાર ગ્રહો અસ્તિત્વમાં આવ્યા હતાં ત્યારે જે ટુકડાઓ બચી ગયા હતા, તે આજે પણ ગુરુત્વકર્ષણના આકર્ષણને લીધે ખેંચ્યા આવે છે. આમને જ એસ્ટેરોઇડ કહેવામાં આવે છે. મોટા એસ્ટેરોઇડને ગ્રહદોષના નામથી પણ ઓળખી શકાય છે.