હાલાકી / ઘોઘા-હજીરા રો-રો ફેરી ફરી અટકી પડી, જાણો કઇ તારીખ સુધી સર્વિસ રહેશે બંધ

• ઘોઘા-હજીરા રો રો ફેરી સર્વિસ ફરી બંધ
• 15 ઓગસ્ટ સુધી રો રો ફેરી સર્વિસ બંધ રહેશે
• જહાજના મેઈન્ટેનન્સનું કારણ આપીને રો રો ફેરી સર્વિસ બંધ

ભારત સરકારની સાગરમાલા યોજના અને ગુજરાત સરકારના ગુજરાત મેરીટાઇમ બોર્ડ દ્વારા ફંડીગથી ચાલુ કરવામાં આવેલ ઘોઘા-દહેજ રો-રો ફેરી સર્વિસ ફેરી 2017થી લોકોની સેવા માટે સમર્પિત કરી દેવામાં આવી છે. ત્યારે હાલ ઘોઘા-હજીરા રો રો ફેરી સર્વિસ ફરી બંધ થઈ છે. જહાજનું મેઇન્ટેનન્સનું કારણ આપી બંધ કરવામાં આવી છે. 25 જુલાઈ થી 15 ઓગસ્ટ 20 દિવસ સુધી ફેરી સર્વિસ બંધ કરી દેવામાં આવતા મુસાફરો અને ટ્રક ચાલકોને મુશ્કેલી પડી રહી છે.

સુરતના હજીરા થી ભાવનગરના ઘોઘા વચ્ચે છે રો રો ફેરી
આ રો-પેક્સથી સોરાષ્ટ્ર અને દક્ષિણ ગુજરાતનું વર્ષો જૂનુ સપનું પૂર્ણ થયું છે. હજીરામાં નવા ટર્મિનલનું લોકાર્પણ પણ કરવામાં આવ્યું હતું. આ સેવાથી ઘોઘા અને હજીરા વચ્ચે માર્ગનું અંતર 370 કિમી છે જે સમુદ્રમાં 90 કિમીના અંતર કાપતા જ પહોંચી જવાય છે. આ અંતર કાપવા માટે રોડ માર્ગે 10થી 12 કલાક થતી હતી જે હવે સમુદ્ર માર્ગે માત્ર 4 કલાક માત્ર 4 કલાકમાં પહોંચી જવાય છે. આ સેવાથી માર્ગ પર ટ્રાફિક અને પ્રદુષણ ઓછું થઈ રહ્યું છે. એક વર્ષમાં 80 હજાર વાહનો, 30 હજાર ટ્રક સેવાનો લાભ લઈ રહ્યા છે.  ગુજરાતના મોટા કારોબારી શહેર સાથે સંપર્કથી સૌરાષ્ટ્રના ખેડૂતોને ફળ, શાકભાજી અન દૂધ પણ વાહન મારફતે આ સર્વિસનો ઉપયોગ કરી ઝડપથી પહોંચાડી રહ્યા છે.

ટિકિટના કેટલા ભાવ (અંદાજિત)

• મુસાફર (જનરલ, એક્ઝિક્યુટિવ,લૉન્જ ક્લાસ)    રૂ. 625 થી 1700
• મોટરસાઈકલ    રૂ. 350
• કાર    રૂ. 1400
• ટ્રક    રૂ. 8000 to 15000 ( વજન પ્રમાણે)
• બસ    રૂ. 5500
• ટેમ્પો ટ્રાવેલર    રૂ.4500

રો-પેક્સ ન માત્ર વેપારની દ્રષ્ટિએ પરંતુ મુસાફરીની દ્રષ્ટિએ પણ એક મોટું વરદાન છે. કારણ કે, સૌરાષ્ટ્રથી સુરત જતા પરિવારો દરિયાઈ મુસાફરી સાથે આરામદાયક રીતે અને ઝડપી રીતે દક્ષિણ ગુજરાતનો પ્રવાસ શક્ય બન્યો છે. જોકે હાલ તો આ રો-પેક્સ ટેક્નિકલ કારણો(મેઇનટેન્સ)ને લઇને 15 ઓગસ્ટ સુધી અટકી પડી છે.