લીંબૂ મોંઘા શું થયા, ચોર લોકો માટે ફેવરિટ વસ્તુ બની ગઈ છે. ચોર હવે લીંબૂની ગુણીઓ ચોરવા લાગ્યા છે. ઉત્તર પ્રદેશના ગાજિયાબાદ જિલ્લાના મોદીનગરમાં એક શાક માર્કેટમાંથી 70,000 રૂપિયાની કિંમતના 12 બોરી લીંબૂ ચોરાઈ ગયા છે.
લીંબૂના ભાવ આસમાને પહોંચ્યા
ચોર લોકો હવે લીંબૂમાં રસ લેવા લાગ્યા
દુકાનમાં રાખેલા લીંબૂ બઠાવી ગયા
લીંબૂ મોંઘા શું થયા, ચોર લોકો માટે ફેવરિટ વસ્તુ બની ગઈ છે. ચોર હવે લીંબૂની ગુણીઓ ચોરવા લાગ્યા છે. ઉત્તર પ્રદેશના ગાજિયાબાદ જિલ્લાના મોદીનગરમાં એક શાક માર્કેટમાંથી 12 બોરી લીંબૂ ચોરાઈ ગયા છે. સારી વાત એ છે કે, ચોરે અન્ય કોઈ શાકભાજીને હાથ લગાડ્યો નથી. જ્યારથી લીંબૂ મોંઘા થયા છે, ત્યારથી ચોર લોકો લીંબૂમાં વધારે રસ લઈ રહ્યા છે. આ ઘટના લીંબૂ મોંઘા થયા હોવાના કારણે ઘટી છે.
મિની ટ્રક લઈને ચોરી કરવા પહોંચ્યા ચોર
ગાજિયાબાદ પોલીસના જણાવ્યા અનુસાર આ ઘટના બુધવાર રાતે લગભગ બે વાગ્યાની આસપાસની છે. ચોર એક મોટરસાઈકલ અને એક મિની ટ્રક લઈને લીંબૂની ચોરી કરવા પહોંચ્યા હતા.લીંબૂ ભરેલી ગુણીઓ ટ્રકમાં નાખીને ચોર લોકો ત્યાંથી ફરાર થઈ ગયા હતા. આ આખી ઘટના સીસીટીવી કેમેરામાં કેદ થઈ ગઈ હતી. પોલીસે સીસીટીવી ફુટેજ સાથે ચોર લોકોની શોધ આદરી છે.
સવાર પડતા વેપારીએ જોયું તો ગોદામમાં એક પણ લીંબૂ નહોતું
ફરીદરનગરના રહેનારા રાશિદની માર્કેટમાં દુકાન આવેલી છે. તે રાતના 12.30 કલાકે પોતાની દુકાન બંધ કરીને ઘરે નિકળી ગયો હતો. પણ જ્યારે તે સવારે દુકાને પહોંચ્યો હતો. તેના પગ તળેથી જમીન સરકી ગઈ હતી. દુકાનમાં રાખેલા 70 કિલો લીંબૂ ગાયબ હતા. આરોપીઓ મિની ટ્રકમાં લોડ કરીને બધા લીંબૂ ઉપાડી ગયા હતા. એટલું જ નહીં ચોરોએ ચોરી કરતા બાઈક લઈને પહેલા સમગ્ર માર્કેટમાં જોઈ લીધું હતું. રસ્તો ક્લિન દેખાતા લીંબૂ ઉપાડી લીધા.