ગાઝિયાબાદના નંદગ્રામ પોલીસ સ્ટેશન વિસ્તારમાં દિલ્હીની એક મહિલા સાથે ગેંગરેપની ઘટનામાં નવો વળાંક આવ્યો છે મહિલા અને તેના બોયફ્રેન્ડે ઘરનો કબજો લેવા માટે ગેંગરેપનું કાવતરું ઘડ્યું
ગાઝિયાબાદ ગેંગરેપની ઘટનામાં નવો વળાંક
ઘરનો કબજો લેવા માટે ગેંગરેપનું કાવતરું
મહિલાના બોયફ્રેન્ડ અને તેના બે સાથીઓની ધરપકડ
ગાઝિયાબાદના નંદગ્રામ પોલીસ સ્ટેશન વિસ્તારમાં દિલ્હીની એક મહિલા સાથે ગેંગરેપની ઘટનામાં નવો વળાંક આવ્યો છે. પોલીસના જણાવ્યા અનુસાર, મહિલા અને તેના બોયફ્રેન્ડે ઘરનો કબજો લેવા માટે ગેંગરેપનું કાવતરું ઘડ્યું હતું. ષડયંત્રના ભાગરૂપે તે લોકોને આરોપી બનાવવામાં આવ્યા હતા, જેમની સાથે મહિલાનો ઘરને લઈને વિવાદ ચાલી રહ્યો હતો. પોલીસે આ ઘટનાનો ખુલાસો કરતા મહિલાના બોયફ્રેન્ડ અને તેના બે સાથીઓની ધરપકડ કરી છે.
ગેંગરેપમાં આવ્યો વળાંક
આ ઘટનાના સંદર્ભમાં આઈજી પ્રવીણ કુમારે ગુરુવારે સાંજે પ્રેસ કોન્ફરન્સ કરીને ગેંગરેપની ઘટનાને ખોટી ગણાવી હતી. તેમણે કહ્યું કે, ફરિયાદ મળતા જ એસપી ક્રાઇમ ડો.દિક્ષા શર્માની આગેવાનીમાં ખુલાસો કરવા માટે એસઆઇટીની રચના કરવામાં આવી હતી. મેડિકલ તપાસ ઉપરાંત પોલીસે સ્થળ અને ઈલેક્ટ્રોનિક સર્વેલન્સ દ્વારા પુરાવા એકત્ર કર્યા હતા, ત્યાર બાદ ચોંકાવનારી વાત સામે આવી હતી.
પ્લાન આ રીતે ઘડવામાં આવ્યો હતો
પોલીસના જણાવ્યા અનુસાર, મહિલાએ આ ઘટનાને અંજામ આપવા માટે પોલીસ સ્ટેશન વેલકમ દિલ્હીના કબીર નગરના રહેવાસી પોતાના બોયફ્રેન્ડ આઝાદ સાથે મળીને ષડયંત્ર રચ્યું હતું. આ પછી આઝાદે પોતાના બે મિત્રો ગૌરવ, આશ્રમ શિવમ ગાર્ડન અચ્છા પોલીસ સ્ટેશન બાદલપુરના રહેવાસી અને નાગર કોતવાલી ગાઝિયાબાદના કૈલા ભટ્ટાના રહેવાસી અફઝલને આ ષડયંત્રમાં સામેલ કર્યા હતા. આ મહિલાનો શાહરૂખ અને તેના ભાઈ જાવેદ સાથે વિવાદ ચાલી રહ્યો છે, જેમનું નામ આ કેસમાં લેવામાં આવ્યું છે, તેમને ઘરને લઈને વિવાદ ચાલી રહ્યો છે. આ ઘરનો કબજો લેવા માટે ગેંગરેપનું ષડયંત્ર રચવામાં આવ્યું હતું. પોલીસે ત્રણેય આરોપીઓની ધરપકડ કરી લીધી છે. આઝાદ પ્રોપર્ટી ડીલિંગનું કામ કરે છે, જ્યારે ગૌરવ વિજય નગર પોલીસ સ્ટેશન વિસ્તારમાં ફોટોગ્રાફીની દુકાન ચલાવે છે. અફઝલ ગટર બનાવવા માટે કોન્ટ્રાક્ટર તરીકે કામ કરે છે. શાહરૂખ અને તેનો પરિવાર જ્યાં રહે છે તે ઘરનો સોદો આઝાદે દીપક જોશી નામના વ્યક્તિ સાથે કર્યો હતો. આ કારણે મહિલાએ શાહરૂખ અને તેના ભાઈ સહિત પાંચ લોકો પર ગેંગરેપનો આરોપ લગાવ્યો હતો.
ગૌરવની કારનો થયો ઉપયોગ
આઈજીનું કહેવું છે કે ઘટના બાદથી મહિલાનો મોબાઈલ બંધ હતો. પરંતુ સ્થળની આસપાસ કોઈ અજાણ્યા નંબરનું લોકેશન ટ્રેસ કરવામાં આવ્યું હતું. પોલીસે તપાસ કરી તો આ નંબર આઝાદનો હોવાનું સામે આવ્યું, જે તેણે ઘટનાના દિવસે જ નકલી આઈડી પર લીધું હતું. આઝાદની કસ્ટોડિયલ પૂછપરછ બાદ સમગ્ર ષડયંત્રનો પર્દાફાશ થયો હતો. બીજો આરોપી ગૌરવ મહિલાનો સંબંધી છે. ગૌરવની આ કારનો ઉપયોગ મહિલાને ગાઝિયાબાદ અને દિલ્હી લઈ જવા માટે કરવામાં આવ્યો હતો. પોલીસને વાહન પણ મળી આવ્યું છે. આ ઉપરાંત ષડયંત્રમાં વપરાયેલી અન્ય કેટલીક સામગ્રી પણ પોલીસે જપ્ત કરી છે.
બે દિવસ પ્રેમી સાથે જ બનાવ્યો સબંધ
પોલીસે જણાવ્યું કે 16 ઓક્ટોબરે રાત્રે 8.30 વાગ્યે મહિલાનો ભાઈ તેને નંદગ્રામના આશ્રમ રોડ પર ઓટોમાં લઈને આવ્યો હતો. ભાઈના ગયા બાદ મહિલા ઓટોમાંથી નીચે ઉતરી હતી અને ષડયંત્રના ભાગરૂપે તેના બોયફ્રેન્ડ અને તેના મિત્રોને બોલાવ્યા હતા અને તેમની સાથે જીટીબી એન્ક્લેવમાં આવેલા તેના જનતા ફ્લેટમાં ગઈ હતી. મહિલા બે દિવસ સુધી ત્યાં જ રહી અને તેના બોયફ્રેન્ડ સાથે સંબંધ બાંધ્યા હતા.
પાંચ હજારમાં આપ્યું વિડીયો ફેલાવાનું કામ
પોલીસ સૂત્રોએ જણાવ્યું હતું કે આઝાદે પેટીએમ દ્વારા કેટલાક લોકોને ચૂકવણી કરી હતી. તેમાંથી એકને સોશિયલ મીડિયા પર ગેંગરેપની બનાવટી ઘટનાને વેગ આપવા માટે તેણીએ કામ સોપ્યું હતું. નંદગ્રામ પોલીસ સ્ટેશન વિસ્તારમાં મહિલાને કોથળામાં બંધ કરીને કારમાંથી બહાર ફેંકી દેવામાં આવી ત્યારે કોન્ટ્રાક્ટ લેનાર યુવક ઘટના સ્થળે હાજર હતો. તેણે મહિલાનો વીડિયો બનાવીને સોશિયલ મીડિયા પર વાયરલ કર્યો હતો. એવામાં ગાઝિયાબાદ પોલીસ પર ગંભીર આરોપ લગાવવામાં આવ્યા હતા.
મહિલાએ ખુદથી નાખ્યો લોખંડનો રોડ
કોથળામાં બંધ હાલતમાં મળી આવેલી મહિલાને પોલીસ જિલ્લા હોસ્પિટલમાં લઈ ગઈ હતી. ત્યાં મહિલાએ પોતાની સારવાર કરાવવાની ના પાડી, પરંતુ પોલીસે મેરઠના મેડિકલ રેફરલની માંગણી કરી, પરંતુ તેમ કરવાની પણ ના પાડી દીધી. મહિલાએ પોતાની મરજીથી પોતાને દિલ્હી જીટીબી હોસ્પિટલમાં રિફર કરાવી હતી. પોલીસે જણાવ્યું કે ષડયંત્રના ભાગરૂપે મહિલા અને તેના પ્રેમીએ એક ઈલેક્ટ્રિકલ શોપમાંથી લોખંડનો પાઈપ ખરીદ્યો હતો. જીટીબી હોસ્પિટલ પહોંચતા જ મહિલાએ પોતે જ તે લોખંડનો પાર્ટ પોતાના શરીરમાં નાખ્યો હતો
ઘણા સમયથી પ્લાન તૈયાર થતો હતો
પોલીસે જણાવ્યું હતું કે મુખ્ય આરોપી આઝાદ અને તેની ગર્લફ્રેન્ડ લગભગ દોઢ મહિનાથી નામદાર આરોપીને ફસાવવાની યોજના બનાવી રહ્યા હતા. તેનો ઉદ્દેશ એ હતો કે બીજો પક્ષ જેલમાં જશે અને તે ઘરનો કબજો લઇ લેશે. મહિલા અને તેના બોયફ્રેન્ડે દિલ્હીમાં ઘણી વખત ષડયંત્ર હેઠળ આ ઘટનાને અંજામ આપવની કોશિશ કરી હતી, પરંતુ તે સફળ થઈ શકી ન હતી.
છેતરપીંડીનો આરોપો લગાવામાં આવ્યા
મહિલાના પ્રેમી આઝાદે પોતાનું આધાર કાર્ડ અને અન્ય દસ્તાવેજો અલગ-અલગ નામ અને સરનામા પર બનાવ્યા છે. તેમના આધારે તેણે નકલી આઈડી પર સિમકાર્ડ લીધું હતું. જે દિવસે મહિલાનું અપહરણ બતાવવામાં આવ્યું તે દિવસે આઝાદે તેનું સિમકાર્ડ ચાલુ કર્યું હતું. પોલીસે જણાવ્યું હતું કે મહિલા અને તેના બોયફ્રેન્ડ સહિત અન્ય આરોપીઓએ પોલીસ તપાસમાં અવરોધ ઊભો કર્યો હતો. તેમજ ખોટી ઘટના બતાવી નિર્દોષ યુવકોને ફસાવવાનું ષડયંત્ર રચ્યું હતું. આ અંગે મહિલા, તેના પ્રેમી અને અન્ય આરોપીઓ સામે છેતરપિંડી સહિતની અન્ય કલમો હેઠળ ગુનો નોંધવામાં આવ્યો છે.