મહિલાએ પોતાની સાસૂને થપ્પડ મારી. એટલું જ નહીં તેના મા-બાપે યુવકની પણ ધૂલાઈ કરી. પોલીસે આ મામલામાં કેસ નોંધ્યો છે અને પીડિતોને મેડિકલ તપાસ માટે મોકલવામાં આવ્યું છે.
એનિવર્સરી વિશ ન કરતાં મહિલા થઈ આક્રોશિત
માવતર પક્ષ સાથે મળીને પતિ-સાસૂને માર્યો માર
પોલીસે સમગ્ર કેસ હાથ ધર્યો
મહારાષ્ટ્રનાં મુંબઈથી એક વિચિત્ર ઘટના સામે આવી છે. એક યુવકની પત્નીએ પોતાના પતિ અને સાસૂને માર માર્યો કારણ કે પતિએ પોતાની પત્નીને મેરેજ એનિવર્સરી પર વીશ નહોતું કર્યું. મારપીટની આ ઘટનામાં પતિ અને સાસૂ બંને ગંભીર રીતે ઈજાગ્રસ્ત થયાં છે. હવે આ મામલામાં પોલીસ તપાસ કરી રહી છે અને આરોપીઓની સામે કેસ પણ નોંધ્યો છે.
મહિલાએ પોતાના માતા-પિતા, ભાઈને બોલાવ્યું
માહિતી અનુસાર આરોપી મહિલાએ ફોન કરીને પોતાના માવતર પક્ષનાં લોકોને બોલાવ્યું હતું. સૂચના અનુસાર આરોપી મહિલાની માતા, પિતા અને ભાઈ સાસરે પહોંચ્યાં હતાં. મહિલાએ માવતર પક્ષનાં લોકોને કહ્યું કે તે રાહ જોઈ રહી હતી કે પતિ મેરેજ એનિવર્સરી વિશ કરશે. પરંતુ તે મૌન રહ્યો. ત્યારબાદ માવતર પક્ષવાળા પણ મહિલાનાં પતિ પર આક્રોશિત થઈ ગયાં . તેમણે પતિ અને સાસૂની ધૂલાઈ કરી.
5 વર્ષ પહેલાં થયાં હતાં લગ્ન
મહિલાનું નામ કલ્પના છે અને પતિનું નામ વિશાલ છે. પતિની ઉંમર 32 વર્ષ છે. તે એક કુરિયર કંપનીમાં ડ્રાઈવરનું કામ કરે છે. તો કલ્પના પણ નોકરી કરી રહી છે. દંપતી ઘાટકોપર વિસ્તારમાં રહે છે. તેમનાં લગ્ન પાંચ વર્ષ પહેલાં 2018માં થઈ હતી. વિશાલે જણાવ્યું કે 'વેલેન્ટાઈન ડેનાં ચાર દિવસ બાદ 18 ફેબ્રઆરીનાં તેની પત્ની તેની સાથે ઝઘડો કરવા લાગી. તે કહી રહી હતી કે એનિવર્સરી પર વધામણી ન આપવું તેના માટે આપત્તિજનક રહ્યું...'
બાઈકને પણ પહોંચાડ્યું નુક્સાન
પતિ વિશાલે જણાવ્યું કે થોડીવાર બાદ ઝઘડો શાંત થઈ ગયો હતો. કલ્પના પણ નોકરી પર જતી રહી હતી. પરંતુ જ્યારે તે પાછી આવી ત્યારે ફરી ઝઘડો થવા માંડ્યો. વિશાલે કહ્યું તે અનુસાર, તેની માતાને પણ મહિલાએ અપશબ્દો કહ્યાં. પછી તેણે પોતાના માવતર પક્ષને પણ ફોન કરીને બોલાવ્યું. વિશાલે કહ્યું કે આરોપીઓએ તેની બાઈકને પણ તોડી નાખેલ છે.