'મારા માટે ક્રિકેટની સીરિઝ કરતા લગ્ન વધારે મહત્વના હતા': વિરાટ કોહલી

ટીમ ઇન્ડિયાના કેપ્ટન વિરાટ કોહલી માટે ક્રિકેટની સીરિઝની સરખામણીએ લગ્ન વધારે મહત્વપૂર્ણ હતા આ વાત અંગેની સ્પષ્ટતા તેણે મુંબઇમાં મીડિયાને સંબોધિત કરતા કહ્યુ કે ''તેના ત્રણ અઠવાડિયાના બ્રેકને કારણે સાઉથ આફ્રિકાની સીરીઝ પર કોઈ અસર નહિ પડે.'' ઉલ્લેખનીય છે કે વિરાટે અનુષ્કા સાથે લગ્ન કરવા માટે શ્રીલંકા સામેની વનડે સીરીઝમાં રજા લીધી હતી.

જ્યારે વિરાટ કોહલીને પૂછવામાં આવ્યુ કે લગ્નની ઉજવણી પછી ક્રિકેટમાં કમબેક કરવું તેના માટે કેટલું મુશ્કેલ હશે ત્યારે વિરાટ જણાવ્યુ કે ''કંઈ મુશ્કેલ નહિ હોય. આને લગ્ન સાથે કોઈ લેવાદેવા નથી. લગ્ન મેચ કરતા અનેકગણા વધારે મહત્વના હતા. આ સમય અમારા બંને માટે ખાસ રહેશે.''

તેણે જણાવ્યું ''ક્રિકેટમાં કમબેક કરવુ અઘરુ નહતુ કારણ કે તે મારા લોહીમાં છે. ટીમના બીજા સભ્યો અને મેનેજમેન્ટના પણ લોહીમાં ક્રિકેટ છે. આથી મારા માટે પ્રોફેશનમાં કમબેક કરવુ અઘરુ નથી.''

ઉલ્લેખનીય છે કે વિરાટ-અનુષ્કાએ 11 ડિસેમ્બરના ઇટલીમાં લગ્ન કર્યા પછી દિલ્હી અને મુંબઇમાં શાનદાર રિસેપ્શન પાર્ટી આપી હતી જેમાં બોલિવુડ અને ખેલ જગતની ઘણી દિગ્ગજ હસ્તીઓ શામેલ થઇ હતી. દિલ્હીમાં થયેલી રિસેપ્શન પાર્ટીમાં પ્રધાનમંત્રી નરેન્દ્ર મોદીએ નવદંપતીને આશીર્વાદ આપીને શુભકામના આપી હતી.

વિરાટ ભલે લગ્નના સેલિબ્રેશનમાં બિઝી  હોય પરંતુ તે સતત સાઉથ ઈન્ડિયા સામેની સીરિઝ માટે પોતાની જાતને તૈયાર કરી રહ્યો હતો. વિરાટે જણાવ્યું ''મેં છેલ્લા ત્રણ અઠવાડિયાથી કશુ જ નથી કર્યું. હવે હું સાઉથ આફ્રિકાની ટૂર માટે ટ્રેનિંગ લઈ રહ્યો છું. તમારા મગજમાં ક્યાંકને ક્યાંક એ વાત હોય જ છે કે કંઈ ઈમ્પોર્ટન્ટ આવવાનું છે. આથી તમે અજાણતા જ આગળનું વિચારવાનુ શરૂ કરી દો છો. હું મેન્ટલી તૈયાર છું.''