કેન્દ્ર સરકારના નિયમો અનુસાર, જે પરિવારની વાર્ષિક આવક 8 લાખ રૂપિયાથી ઓછી છે અને પરિવાર પાસે 5 એકરથી ઓછી જમીન છે, તો આવી સ્થિતિમાં તમે EWS પ્રમાણપત્ર મેળવી શકો છો.
EWS સર્ટિફિકેટ બનાવવુ છે સરળ
ઉચ્ચ શિક્ષણ મેળવવા સરકાર તરફથી મળે છે સહાય
જાણો કોણ બનાવડાવી શકે EWS સર્ટિફિકેટ
કેન્દ્ર સરકારે દેશના આર્થિક અને સામાજિક રીતે નબળા વર્ગ માટે 10 ટકા અનામતની વ્યવસ્થા કરી છે. આ વ્યવસ્થાને EWS કહેવાય છે. જેમાં વિદ્યાર્થીને ઉચ્ચ શિક્ષા પ્રાપ્ત કરવા માટે સરકારી સહાય કરવામાં આવે છે. આ સાથે જ સરકારી નોકરીમાં પણ 10 ટકા અનામતનો લાભ મળે છે. જો તમે સામાજિક અને આર્થિક રીતે સક્ષમ ન હોવ તો તમે EWS સર્ટી બનાવડાવીને તેનો લાભ મેળવી શકો છો.
કોણ EWS સર્ટિફિકેટ બનાવડાવી શકે ?
કેન્દ્ર સરકારના નિયમોનુસાર જે પરિવારની વાર્ષિક આવક 8 લાખથી ઓછી હોય અને પરિવાર પાસે 5 એકરથી ઓછી જમીન હોય તેવી સ્થિતિમાં EWS સર્ટી બનાવડાવી શકાય છે. આ ઉપરાંત તમારી પાસે 1 હજાર સ્કવેર ફીટથી વધારે જમીન પર ઘર ન હોવુ જોઇએ. જો વ્યક્તિ શહેરમાં રહેતો હોય તો 900 સ્કવેર ફૂટથી વધારે જગ્યા ન હોવી જોઇએ.
EWS સર્ટીફિકેટ માટે શું જોઇએ ?
આધારકાર્ડ
પેનકાર્ડ
જાતિનું પ્રમાણ પત્ર
એમ્પ્લૉયમેન્ટ સર્ટિફિકેટ
આવકનું પ્રમાણ પત્ર
પાસપોર્ટ સાઇઝ ફોટો
મોબાઇલ ફોન નંબર
કેવી રીતે કરશો એપ્લાય ?
EWS સર્ટીફિકેટ બનાવવા માટે સૌથી પહેલા EWS એપ્લિકેશન ફોર્મ ડાઉનલોડ કરો. ત્યારબાદ ફોર્મમાં માગવામાં આવેલા જરુરી ડોક્યુમેન્ટની સાથે એસડીએમ ઑફિસમાં જમા કરાવવાનું રહેશે. વેરિફાય થયા બાદ તમને EWS સર્ટીફિકેટ મળી જશે.