લોન લેવાનું વિચારતા હોવ તો કેટલીક બાબતોને ધ્યાનમાં રાખી લેજો તો સરળતાથી લોન અપ્રુવ થઇ જશે.
સરળતાથી લોન લેવી છે
કેટલાક સ્ટેપ્સ ફોલો કરવાથી લોન થઇ જશે અપ્રુવ
સમયસર EMI ભરવી છે જરૂરી
કોરોના વાયરસ મહામારીના કારણે ઇન્કમથી લઇને બિઝનેસ સુધી દરેક સેક્ટર પર માર પડ્યો છે. હવે કોરોના સંક્રમણનો ખતરો ઓછો થઇ રહ્યો છે ત્યારે કેટલાક લોકોને લોનની જરૂર પડશે જેથી તેમનો ભાંગી પડેલો બિઝનેસ ઉભો થઇ જાય પરંતુ કેટલીક ભૂલોના કારણે લોન અપ્રુવ થતી નથી. બેઁક પણ જોવે છે કે જે તે વ્યક્તિને લોન આપવામાં કોઇ જોખમ તો નથી ને. જો લોન આપવા માટે રેડી થાય તો કેટલી રકમની આપવી?
કેટલો હોવો જોઇએ ક્રેડિટ સ્કોર
ક્રેડિટ સ્કોરની મદદથી તમારી જૂની લોન વિશે માહીતી મળે છે. જો ક્રેડિટ સ્કોર સારો હશે તો જ લોન મળશે. જો તમે સમય પર ઇએમઆઇ ભરો છો તો તેને ક્રેડિટ સ્કોર સારો મળે છે. 300 થી 900 વચ્ચે અંક રહે છે. જો કોઇ વ્યક્તિનો સ્કોર 750 કે તેનાથી વધુ છે તો તેને લોન મળવી સહેલી થઇ જાય છે.
લોન અને ક્રેડિટ કાર્ડની ઝીણવટ
એવામાં કોઇ વ્યક્તિ માટે જરૂરી છે કે તેનો ક્રેડિટ સ્કોર સારો હોય. તેને ખુબ મહેનત કરવાની જરૂર નથી પરંતુ કેટલીક વાતોનું ધ્યાન રાખવું પડે છે. સારા ક્રેડિટ સ્કોર માટે સમય પર બિલ ભરી દેવું જરૂરી છે. સમય સમય પર પોતાના ક્રેડિટ સ્કોરની સમિક્ષા કરતા રહો. વિજળીનું બિલથી લઇને ઇન્સ્યોરન્સ સુધી દરેકનું બિલ સમય પર ભરતા રહો.
કેવી રીતે નક્કી થાય ક્રેડિટ સ્કોર
તમારા માટે તે જાણવું જરૂરી છે કે ક્રેડિટ સ્કોર ક્યા આધારે નક્કી થાય છે. ક્રેડિટ સ્કોર તૈયાર કરવામાં કેટલીક જરૂરી બાબતોનું ખાસ ધ્યાન રાખવું પડે છે. સમય પર રકમ ચુકવવા માટે ક્રેડિટ સ્કોરમાં 30 ટકા હિસ્સેદારી હોય છે.