રાજકોટના જેતપુરના દેવકી ગાલોલ ગામમાં ખેડૂતો દ્વારા GETCOનો વિરોધ કરવામાં આવ્યો છે. જેમાં ખેડૂતો દ્વારા ખેતરમાં કપાસ વચ્ચે પ્રતિક સમાધિ લીધી. ખેડૂત દંપતી દ્વારા જમીનમાં દટાઇને સમાધિ લઇ GETCO સામે વિરોધ પ્રદર્શન દર્શાવ્યો છે.
GETCO કંપનીએ ખેતરમાં નાખ્યા છે વીજ પોલ
66 KVની વીજ લાઈન નાખતા ખેડૂતોનો વિરોધ
ખેડૂતોને પુરતુ વળતર ન ચૂકવવાનો કર્યો આક્ષેપ
GETCO કંપની દ્વારા દેવકી ગાલોલ ગામે વિરોધ છતાં પોતાની મનમાની રૂપે ઉભા પાકને ઉખેડી વીજ પોલ નાખવામાં આવ્યો. જેને લઇને ખેતરમાંથી ઊભો પાખ ઉખેડી નાખતા ખેડૂતોને નુકસાન પહોંચુંય છે. આમ ખેડૂતો દ્વારા કંપનીની મનમાનીનો વિરોધ કરવામાં આવ્યો છે.
જ્યારે GETCO કંપની દ્વારા ઊભા પાકને ઉખેડી વીજ પોલ નાંખ્યા બાદ પુરતુ વળતર પણ ન ચૂકવવાનો આક્ષેપ કરવામાં આવ્યો છે. કંપની દ્વારા ખેડૂતોના ખેતરમાં 66 KVની વિજ લાઇનનો વીજ પોલ નાંખવામાં આવ્યો છે.
જ્યારે બીજી તરફ ગામ દ્વારા વિરોધને નજરમાં લઇને GETCO કંપનીએ પોલીસ રક્ષણ સાથે કામગીરી કરતાં ગ્રામજનોએ તેનો પણ વિરોધ કર્યો છે.
ગ્રામ જનો દ્વારા વિવિધ બેનર સાથે વિરોધ કરી ખેડૂત દંપતીએ પ્રતિક સમાધી લીધી છે. આમ GETCO કંપની દ્વારા ખેતરમાંથી પાક કાઢવા તેમજ ખેડૂતોને પુરતું વળતર આપવાની માગ કરવામાં આવી છે.