39 વર્ષીય મહિલા ક્રિસ્ટીના ડેનવરે દાવો કર્યો હતો કે, તેના લુકને કારણે તેને ભેદભાવનો સામનો કરવો પડ્યો હતો. ઑફિસમાં પ્રમોશન માટે પણ ક્રિસ્ટીનાને ખરાબ વર્તન કરવામાં આવતું હતું.
ક્રિસ્ટીના ડેનવરનું શરીર ટેટુથી ભરપુર
પોતાના લુકના કારણે પ્રમોશન ન મળ્યું
લોકો મને અજીબ નજરથી જોવે છે
39 વર્ષીય મહિલા ક્રિસ્ટીના ડેનવરે દાવો કર્યો હતો કે, તેના લુકને કારણે તેને ભેદભાવનો સામનો કરવો પડ્યો હતો. ઑફિસમાં પ્રમોશન માટે પણ ક્રિસ્ટીનાને ખરાબ વર્તન કરવામાં આવતું હતું. ક્રિસ્ટીનાના જણાવ્યા અનુસાર, તેને પ્રમોશન મેળવવા માટે 'હેર કટ કરાવીને સારું બ્લાઉઝ પહેરવા' માટે કહેવામાં આવ્યું હતુ.
પ્રમોશન માટે હેર કટ કરવા કહ્યું
જર્મનીમાં રહેતી ક્રિસ્ટીનાને પોતાના શરીર પર ટેટૂ અને બોડી મોડિફિકેશન પસંદ છે. તેણે પોતાના શરીર પર ડઝનબંધ ટેટૂ બનાવ્યા છે. તે કહે છે કે તેના લુકને કારણે તેને ભેદભાવનો શિકાર થવું પડ્યું હતું. રીપોર્ટ અનુસાર ક્રિસ્ટીનાને પ્રમોશન માટે હેર કટ અને સારો ડ્રેસ લઇને ઓફિસ આવવાનું કહેવામાં આવ્યું હતું. આ ભેદભાવથી કંટાળી ક્રિસ્ટીનાને એક જ કંપનીના અલગ અલગ વિભાગમાં નોકરી મેળવી. અને પોતાના જૂના બોસની ઉપરની પોસ્ટ પર કામ કરવાનું શરૂ કર્યું.
ટેટૂઝ અને બોડી ફેરફાર કરાવ્યા
ક્રિસ્ટીના કહે છે કે તે 9 વર્ષની હતી ત્યારથી જ ટેટૂઝ અને બોડી મોડિફિકેશનમાં રસ ધરાવે છે. પહેલું ટેટૂ કાંડા પર બનાવવામા આવ્યું હતું પરંતુ હવે તેનું શરીર ટેટૂથી ભરાઈ ગયું છે. તેણે પોતાના શરીર પર 24 લાખ રૂપિયા ખર્ચ કર્યા છે.
મને મારામાં સુંદરતા દેખાય છે
"મને લાગે છે કે મારા ટેટૂઝ મારા શરીરને સુટ આવે છે અને તે જ મારી સુંદરતાની વ્યાખ્યા છે. જ્યારે હું અરીસામાં જોઉં છું, ત્યારે મને ટેટૂ અને પિયર્સિંગ દેખાતા નથી, હું ફક્ત મારી જાતને જોઉં છું અને મારી જાતને આત્મવિશ્વાસ અનુભવું છું." તેણી ઉમેરે છે કે તેનો પતિ તેના દેખાવને સંપૂર્ણ સમર્થન આપે છે. ક્રિસ્ટીનાએ જણાવ્યું હતું કે, "મારા પતિ મને જે રીતે પ્રેમ કરે છે તે જ રીતે હું તેને પ્રેમ કરું છું." ક્રિસ્ટીનાએ કહ્યું હતું કે તે મારી નોકરી અને કારકિર્દી વિશે ચિંતિત રહે છે.
લોકો અસામન્ય નજરે જોવે છે
પોતાના બોલ્ડ લુકને કારણે તે લોકોનું ધ્યાન જરૂરથી ખેંચે છે, પરંતુ દરેક વખતે તે પોઝિટિવ નથી હોતું. ક્રિસ્ટીનાના કહેવા પ્રમાણે તેને ભેદભાવ અને ટીકાનો સામનો કરવો પડે છે. કારણ કે જર્મનીમાં આ સ્કેલ પર શરીર પર ટેટૂ કરાવવું ખૂબ જ અસામાન્ય અને દુર્લભ છે.
બોસ સિવાય બધાએ ટેકો આપ્યો
ક્રિસ્ટીનાના કાન, વાળ અને ટેટુથી ઢંકાયેલી બોડી તેને અન્ય લોકો કરતા અલગ દેખાડે છે. "મારા દેખાવની ટીકા કરનારા બોસ સિવાય, મને હંમેશાં મારા બધા સિનિયર્સનો ટેકો મળ્યો છે અને મને મારી રીતે કામ કરવા માટે પ્રોત્સાહિત કરવામાં આવી છે. તે કહે છે કે તે પૂર્વગ્રહોને તોડવા માંગે છે.