લાંબુ અને સ્વસ્થ જીવન જીવવા માટે હૃદયને સ્વસ્થ રાખવું ખૂબ જ જરૂરી છે અને તેના માટે સમયાંતરે કેટલાક મેડિકલ ટેસ્ટ કરાવતા રહેવું જોઈએ જેમાંથી જાણી શકાય કે તમારું હૃદય કેટલું સારું અથવા ખરાબ રીતે કામ કરે છે.
દર પાંચમાંથી ચાર મૃત્યુ હાર્ટ એટેક અને હાર્ટ સ્ટ્રોકને કારણે થાય છે
લાંબુ અને સ્વસ્થ જીવન જીવવા માટે હૃદયને સ્વસ્થ રાખવું ખૂબ જ જરૂરી
સમયાંતરે કેટલાક મેડિકલ ટેસ્ટ કરાવતા રહેવું જોઈએ
હૃદય શરીરના સૌથી મહત્વપૂર્ણ અંગોમાંથી એક છે. શરીર સારી રીતે કામગીરી કરતું રહે એ માટે હૃદયને સ્વસ્થ રાખવું ખૂબ જ જરૂરી છે. ખાવાની ખોટી આદતો, સુસ્ત જીવનશૈલી અને તણાવપૂર્ણ જીવન હૃદયના સ્વાસ્થ્યને બગાડી શકે છે. આ સાથે જ હાઈ બ્લડ પ્રેશર, ડાયાબિટીસ, કોલેસ્ટ્રોલ પણ હૃદયના સ્વાસ્થ્યને બગાડી શકે છે.
વર્લ્ડ હેલ્થ ઓર્ગેનાઈઝેશન (WHO) અનુસાર દુનિયામાં સૌથી વધુ મૃત્યુ હ્રદય રોગો (CVDs) કારણે થાય છે. હૃદય સંબંધિત રોગોને કારણે દર વર્ષે લગભગ 17.9 મિલિયન લોકો મૃત્યુ પામે છે. દર પાંચમાંથી ચાર મૃત્યુ હાર્ટ એટેક અને હાર્ટ સ્ટ્રોકને કારણે થાય છે અને આમાંથી ત્રીજા ભાગની મૃત્યુ 70 વર્ષથી ઓછી ઉંમરના લોકોમાં સમય પહેલા જ થઈ જાય છે.
લાંબુ અને સ્વસ્થ જીવન જીવવા માટે હૃદયને સ્વસ્થ રાખવું ખૂબ જ જરૂરી છે અને તેના માટે સમયાંતરે કેટલાક મેડિકલ ટેસ્ટ કરાવતા રહેવું જોઈએ. એ મેડિકલ ટેસ્ટથી તમે જાણી શકો કે તમારું હૃદય કેટલું સારું અથવા ખરાબ રીતે કામ કરી રહ્યું છે. ચાલો જાણીએ ક્યા છે એ મેડિકલ ટેસ્ટ
લિપિડ પ્રોફાઇલ ટેસ્ટ (Lipid profile tests)
આ મેડિકલ ટેસ્ટમાં શરીરમાં કોલેસ્ટ્રોલ અને ટ્રાઇગ્લિસરાઈડ્સનું સ્તર માપવામાં આવે છે. જો તે વધુ પ્રમાણમાં જમા થવા લાગે છે તો તે હૃદયને લોહીના પુરવઠાને અવરોધિત કરે છે અને તેને કારણે હાઈ બ્લડ પ્રેશર, હાર્ટ ડિસઓર્ડર અથવા હાર્ટ એટેક પણ આવી શકે છે.
કાર્ડિયાક રિસ્ક અને કાર્ડિયાક સ્ક્રીન ટેસ્ટ (Cardiac risk and cardiac screen tests)
હ્રદય રોગનો પારિવારિક ઇતિહાસ કે ડાયાબિટીસ, હાઇ બ્લડપ્રેશરનો જોખમ ધરાવતા લોકો બ્લડ ટેસ્ટ, યુરીન ટેસ્ટ અને સુગર ટેસ્ટ કરાવવાથી હૃદય રોગના નિદાન અથવા નિવારણમાં મદદ કરી શકે છે. તે સમજવામાં મદદ કરે છે કે તમારું હૃદય કેટલી સારી રીતે કામ કરી રહ્યું છે
ટ્રુ હેલ્થ હાર્ટ (True Health Heart)
નામ સૂચવે છે તેમ આ પરીક્ષણ તમારા હૃદયના સ્વાસ્થ્ય વિશે મૂળભૂત તેમજ હૃદયના ચોક્કસ પરિમાણોને માપીને સાચી માહિતી આપે છે. આ ટેસ્ટના પરિણામોના આધારે સારવાર અંગે નિર્ણય લઈ શકાય છે.
ડાયાબિટીસ અને મોટાપા માટે ટેસ્ટ (Tests for Diabetes and Obesity)
ટાઈપ 2 ડાયાબિટીસ અથવા ડાયાબિટીસ મેલીટસ ધરાવતા દર્દીઓમાં હાઈ બ્લડ સુગર જો સારવાર ન કરવામાં આવે તો હૃદયને અસર કરી શકે છે. એટલા માટે બ્લડ સુગર લેવલની નિયમિત તપાસ કરવી ખૂબ જ જરૂરી છે. વધારે વજન અને સ્થૂળતા પણ હૃદયની બીમારીઓનું કારણ બને છે.
બ્લડ ટેસ્ટ (Blood tests)
જ્યારે તમારા સ્નાયુઓને નુકસાન થાય છે જેમ કે હાર્ટ એટેક આવવા પર તમારું શરીર તમારા લોહીમાં રસાયણો મોકલે છે. બ્લડ ટેસ્ટ દ્વારા હૃદયના સ્નાયુને કેટલું નુકસાન થયું છે તે માપી શકાય છે.
ઇલેક્ટ્રોકાર્ડિયોગ્રામ (ECG)
તમારા હૃદયના વિદ્યુત આવેગને ECG દ્વારા વાંચવામાં આવે છે, આ ટેસ્ટમાં જાણવા મળે છે કે તમારું હૃદય કેટલું અસરકારક રીતે પંપ કરી રહ્યું છે. ડૉક્ટર હાર્ટ એટેક અથવા અનિયમિત ધબકારા ઓળખવા માટે ECG નો ઉપયોગ કરી શકે છે.
એક્સરસાઇઝ સ્ટ્રેસ ટેસ્ટ (Exercise stress test)
એક ECG ટેસ્ટ સ્ટ્રેસ ટેસ્ટ તરીકે પણ ઓળખાય છે જેને ટ્રેડમિલ અથવા એક્સરસાઇઝ ટેસ્ટ તરીકે પણ કહેવામાં આવે છે. આ ટેસ્ટ જ્યારે તમે કસરત કરો છો ત્યારે કરવામાં આવે છે. શારીરિક પ્રવૃત્તિ દરમિયાન તમારું હૃદય કેટલું સારું કામ કરે છે તેનું મૂલ્યાંકન તેમાં કરી શકાય છે.