આપણુ જીવન હંમેશા નાના મોટા ઉતાર ચડાવમાંથી પસાર થતું હોય છે. જીવનમાં કોઇ એવું આવી જાય કે જેને જોઇને જીવન રંગીન લાગવા લાગે ત્યારે તે પળ સૌથી ખુબસુરત હોય છે. બાદમાં જ્યારે તે સંબંધ ટૂટે છે ત્યારે દુખ પણ એટલું જ થાય છે, તે દુખમાંથી બહાર નીકળવા માટે કેટલીક ટ્રીક અપનાવો, એક બીજાથી જોડાયેલી ચીજોને જેટલી દુર રાખશો તેટલુ જ સારુ ફીલ થશે.
બ્રેક-અપ બાદ આવે છે સ્ટ્રેસ
આ ટિપ્સની મદદથી થાઓ ફ્રેશ
મૂવ ઓન કરવુ ખુબ જરૂરી
જો તમારું પણ બ્રેક અપ થયુ છે તો કેટલીક બાબતોનું ખાસ ધ્યાન રાખો જેનાથી તમને સંબંધ પત્યા પછી ઓછુ દુખ થશે, કેટલાક લોકોને તમે જોયા હશે કે વર્ષો બાદ પણ તે જૂની યાદોથી અલગ નથી થઇ શકતા, તો આ ઉપાય અપનાવો અને મૂવ ઓન કરો.
રિંગ પાછી આપી દો
રિંગથી જોડાયેલી કેટલીક બાબતો હોય છે જે તમને હેરાન કરી શકે છે. જો તમને કોઇ વ્યક્તિએ રિંગ આપી હોય તો તે જાય તેની સાથે તેણે આપેલી વીંટી પણ પાછી આપી દો. કારણકે તેની સાથે જોડાયેલી વસ્તુઓ તે વ્યક્તિની યાદ અપાવશે, માટે તેની વસ્તુઓ પરત આપી દો.
સોશ્યલ મિડીયાથી કરો ડિલીટ
જે વ્યક્તિ જતુ રહ્યું છે તેની સાથે જોડાયેલી યાદોને પણ ડિલીટ કરી દો. સોશ્યલ મિડીયા પર તેની સાથે અપલોડ કરેલી તસવીરો અને અન્ય ચીજોને ડિલીટ કરવી જ યોગ્ય રહેશે.
ટ્રીપ પર જાઓ
બની શકે કે તમે એક જ જગ્યાએ રહીને તે જ વ્યક્તિને યાદ કર્યા કરો, તેની જગ્યાએ ટ્રીપ પર જાઓ અને ખુલ્લી હવામાં જૂની બધી બાબતોને ભૂલી જાઓ. ફરીને આવ્યા બાદ તમે ફ્રેશ ફીલ કરશો.
કરિયર પ્લાન વિશે વિચારો
તમારુ પ્રેમ જીવન સફળ ન થઇ શક્યુ તેનો અર્થ તે નથી કે તમારુ જીવન જ નિષ્ફળ થઇ ગયુ છે. માટે તમારા કરિયર વિશે વિચારો અને તેને કેવી રીતે સફળ બનાવી શકો તે વિશે વિચાર્યા કરો. કોઇ પણ વ્યક્તિ વિશે તમારા કરિયર કરતા વધારે ન વિચારો.