સુવિધા / UIDAIએ શરૂ કરી નવી સેવા, મિનિટોમાં Aadhaar Card સંબંધી સવાલો કે ફરિયાદોના જવાબ મળશે અહીં

• આધાર ધારકોને મળશે વધુ એક સુવિધા
• UIDAIએ 'Ask Aadhaar Chatbot' એપ લોન્ચ કરી
• અહીં આધારને લગતા દરેક પ્રશ્નના જવાબ મળશે

શું છે 'Ask Aadhaar Chatbot'?

ચેટબોટ એક સોફ્ટવેર એપ્લિકેશન છે. જે ચેટ ઈન્ટરફેસની જેમ કામ કરે છે અને તેના આર્ટિફિશિયલ ઈન્ટેલિજન્સ (AI)ની મદદથી ગ્રાહકોના સવાલોના જવાબ આપે છે. 

#AskAadhaarChatSupport
Have you tried the 'Ask Aadhaar' Chatbot? You can now get responses to all your Aadhaar related queries instantly via the Aadhaar Chat support. Watch this video to know more:https://t.co/xV0ruXhHi6

— Aadhaar (@UIDAI) January 1, 2020

125 કરોડ લોકોને મળી આધારની ઓળખ

વર્ષ 2010માં કેન્દ્ર સરકારે યૂનિક આઇડેન્ટિફિકેશન ઓથોરિટી ઓફ ઈન્ડિયા (UIDAI) દ્વારા આધાર અમલમાં મૂક્યો હતો. આ સાથે જ આધારે એક નવો રેકોર્ડ બનાવ્યો છે. અત્યાર સુધી કુલ 125 કરોડ લોકો આધારમાં નોંધણી કરાવી ચૂક્યા છે.  આધારને લઈને સરકારની આ સફળતા એવા સમયે મળી છે જ્યારે સરકારે ઘણી સરકારી યોજનાઓ અને દસ્તાવેજો માટે કેટલાક સમયથી આધારને ફરજિયાત બનાવ્યો છે.

આધારને 37 હજાર કરોડ વખત અપડેટ કરવામાં આવ્યું છે

સરકારે આપેલી માહિતી પ્રમાણે, આ એક પુરાવો છે કે, શરૂઆતથી અત્યાર સુધી આધાર સંબંધિત સેવાઓનો આશરે 37 હજાર કરોડ વખત ઉપયોગ થઈ શકે છે.

તે કેવી રીતે કાર્ય કરે છે?

જો તમારી પાસે આધાર વિશે કેટલાક પ્રશ્નો છે, તો તમારે પહેલા UIDAIની વેબસાઇટ uidai.gov.in પર જવું પડશે. અહીં તમારે Ask Aadhaar પર ક્લિક કરવું, જેથી ડિસ્પ્લે પર Get Started લખેલું દેખાશે. તેના પર ક્લિક કર્યા બાદ તમારી સામે એક ચેટબોટ ખુલશે. અહીં તમે ચેટની મદદથી તમારા આધારને લગતા કોઈપણ પ્રશ્નોના જવાબ મેળવી શકો છો.