માર્ગ પરિવહન અને હાઇવે મંત્રાલયની નવી સૂચના મુજબ, જો તમારી કાર પરનો ફાસ્ટેગ યોગ્ય રીતે કામ કરી રહ્યો નથી અથવા તેનું બેલેન્સ નથી અને વાહન ટોલ પ્લાઝાની ફાસ્ટેગ લેનમાં પ્રવેશે છે તો તમને ડબલ ટેક્સ ભરવો પડશે.
જો તમારી ગાડી ઉપર FASTag ફાસ્ટેગ લગાવેલું હોય ત્યાર પછી પણ તમારે રાષ્ટ્રીય ધોરીમાર્ગના ટોલ પ્લાઝા પર ડબલ ટેક્સ ભરવો પડી શકે છે. માર્ગ પરિવહન અને હાઇવે મંત્રાલયની નવી સૂચના મુજબ, જો તમારી કાર પરનો ફાસ્ટેગ યોગ્ય રીતે કામ કરી રહ્યો નથી અથવા તેનું બેલેન્સ નથી અને વાહન ટોલ પ્લાઝાની ફાસ્ટેગ લેનમાં પ્રવેશે છે તો તમને ડબલ ટેક્સ ભરવો પડશે. સરકારે આને સંબંધિત એક જાહેરનામું બહાર પાડ્યું છે, જે 15 મે 2020 થી દેશભરમાં અમલમાં છે. અગાઉ ફાસ્ટેગ વિના વાહનોએ ફાસ્ટેગ લેનમાં ઘુસવા બદલ ડબલ ટોલ ટેક્સ ભરવો પડતો હતો.
ફાસ્ટેગની તારીખો લંબાવાઈ ચુકી છે
રાષ્ટ્રીય ધોરીમાર્ગના ટોલ પ્લાઝા પર લાંબી લાઇનોથી મુક્તિ મેળવવા માટે ઇલેક્ટ્રોનિક ટોલ સિસ્ટમ 15 ડિસેમ્બર 2019ના રોજ અમલમાં આવી હતી. પરંતુ ફાસ્ટેગની ઉપલબ્ધતા ન હોવાને કારણે તેને ફરજીયાત બનાવવાની તારીખ લંબાવીને 15 જાન્યુઆરી 2020 અને ત્યારબાદ 15 ફેબ્રુઆરી 2020 અને કેટલાક વિસ્તારોમાં 28 ફેબ્રુઆરી કરવામાં આવી. આ અંતર્ગત જો તમારી કાર ઉપર ફાસ્ટેગ ન લગાવ્યો હોય અને આકસ્મિક રીતે ગાડી ફાસ્ટેગ લાઈનમાં પ્રવેશી જાય તો ટોલ ટેક્સની બમણી રકમ ભરવાની જોગવાઈ કરવામાં આવી હતી.
1 કરોડથી વધુ FASTag ગાડીઓમાં ઇન્સ્ટોલ
ડિસેમ્બર, 2019 થી એક કરોડથી વધુ ફાસ્ટેગ ઇન્સ્ટોલ કરવામાં આવ્યા છે. તેમાંથી નવેમ્બર અને ડિસેમ્બરમાં 30 લાખ ફાસ્ટેગ લગાવવામાં આવ્યા હતા અને દરરોજ 1.52 થી 2 લાખ ફાસ્ટેગ લાગી રહ્યા છે.
જાન્યુઆરીમાં 20 કરોડનો દંડ વસૂલ્યો હતો
જાન્યુઆરી 2020 માં નેશનલ હાઇવે ઓથોરિટી ઓફ ઇન્ડિયા (NHAI) એ ફાસ્ટેગ વગર ફાસ્ટેગ લેનમાં પ્રવેશતા 18 લાખ વાહનચાલકો પાસેથી 20 કરોડ રૂપિયાની વસૂલાત કરી હતી. આ લોકો રાષ્ટ્રીય ધોરીમાર્ગના ટોલ પ્લાઝા પર ફાસ્ટવે લેનમાં ફાસ્ટેગ વગર દાખલ થયા હતા.