રિપોર્ટમાં દાવો / થઈ જાવ તૈયાર, જુલાઈમાં સરકારી કર્મચારીઓને એકીસાથે 3 ભેટ આપશે સરકાર, જાણો ડિટેલ્સ

• જુલાઈમાં મોદી સરકારે કેન્દ્રીય કર્મચારીઓને આપશે 3 ભેટ
• સરકાર ચુકવી શકે 18 મહિનાનું ડીએ એરિયર્સ
• કર્મચારીઓને ડીએમાં 4થી 5 ટકાનો વધારો મળી શકે
• કર્મચારીઓના ખાતામાં પીએફના વ્યાજના પૈસા જમા કરાવશે 

જુલાઇમાં સરકાર પોતાના કર્મચારીઓને ત્રણ મોટી ભેટ આપે તેવી શક્યતા છે. સરકાર કર્મચારીઓના પગાર વધારવાથી લઈને બાકી ચૂકવણી સુધીની યોજના પર કામ કરી રહી છે. જણાવવામાં આવ્યું છે કે ડીએ વધારાની સાથે જ બાકી રહેલા ડીએની ચુકવણી અને પીએફ પર વ્યાજની રકમ પણ સરકારી કર્મચારીઓના ખાતામાં જમા કરાવી શકાય છે. કર્મચારીઓને હજુ સુધી 18 મહિનાનું ડીએ મળ્યું નથી, કોરાનાને કારણે સરકારે તેને અટકાવી દીધું હતું. 

સરકાર ચુકવી શકે 18 મહિનાનું ડીએ એરિયર્સ
મીડિયા રીપોર્ટ અનુસાર, સરકાર આવતા મહિને કેન્દ્રીય કર્મચારીઓના ડીએની બાકી નીકળતી રકમ ચૂકવી શકે છે. જાન્યુઆરી 2020 થી જૂન 2021 સુધીમાં, કુલ 18 મહિનાનું ડીએ એરિયર્સ બાકી છે. એવું કહેવામાં આવી રહ્યું છે કે કેન્દ્રીય કર્મચારીઓ એક સમયે 2 લાખ રૂપિયાનું બાકી ડીએ એરિયર્સ મેળવી શકે છે. 

ડીએમાં 4થી 5 ટકાનો વધારો 
સરકાર જુલાઈમાં કેન્દ્રીય કર્મચારીઓના ડીએમાં વધારો કરી શકે છે. વધતી મોંઘવારીને જોતા કહેવામાં આવી રહ્યું છે કે સરકાર કર્મચારીઓના ડીએમાં 4થી 5 ટકાનો વધારો કરી શકે છે. હાલ કર્મચારીઓને 34 ટકાના દરે ડીએ મળી રહ્યું છે. સરકારે આ વર્ષે માર્ચમાં ડીએમાં 3 ટકાનો વધારો કર્યો હતો. 

સરકાર જુલાઈમાં કર્મચારીઓના ખાતામાં પીએફના વ્યાજના પૈસા જમા કરાવશે 
સરકારે એમ્પ્લોઇઝ પ્રોવિડન્ટ ફંડ ઓર્ગેનાઇઝેશન (ઇપીએફઓ)ના વ્યાજદર પર પોતાની મહોર લગાવી દીધી છે. નાણાકીય વર્ષ 2021-22 માટે ઇપીએફ પર વ્યાજ દર 8.01 નક્કી કરવામાં આવ્યો છે. ગત નાણાકીય વર્ષમાં પીએફમાં 8.5 ટકા વ્યાજ મળતું હતું. વ્યાજ દર ઘટવાથી 6 કરોડથી વધુ નોકરીયાત લોકોને આંચકો લાગ્યો છે. આશા છે કે સરકાર જુલાઈમાં કર્મચારીઓના ખાતામાં પીએફના વ્યાજના પૈસા નાખશે. મે મહિનામાં રિટેલ ફુગાવો 7.04 ટકા હતો, જે રિઝર્વ બેન્ક ઓફ ઇન્ડિયાએ 2થી 6 ટકા નક્કી કરેલા લક્ષ્યાંક કરતાં વધારે છે. જો સરકાર ડીએમાં વધારો કરશે તો 50 લાખથી વધુ કર્મચારીઓ અને 65 લાખ પેન્શનરોને તેનો લાભ મળશે.