કોરોના સામેની જંગમાં વેક્સિન એક જ ઇલાજ છે ત્યારે નાગરિકોમાં જાગૃતિ લાવવા માટે હોંગકોંગમાં અનોખો નુસ્ખો હાથ ધરવામાં આવ્યો હતો.
હોંગકોંગના નાગરિકોમાં રસી અંગે જાગૃતિ લાવવા અનોખો પ્રયાસ
રસીના બંન્ને ડોઝ લેનારને અપાશે 10 કરોડનો ફ્લેટ
સિનો ગ્રુપના એનજી ટેન્ક ઓફ ચેરિટેબલ ફાઉન્ડેશને આપી ઓફર
મળતી જાણકારી પ્રમાણે, હોંગકોંગના લોકોને પ્રોત્સાહિત કરવા માટે વેક્સિન લેનારને 10 કરોડ જીતવાની ઓફર આપવામાં આવી રહી છે. આ ઓફર હેઠળ લોટરી સિસ્ટમ છે જેમાં એક ડ્રો કરવામાં આવશે.
10 કરોડનું એપાર્ટમેન્ટ મળશે ગિફ્ટ તરીકે
આ ઓફર હોંગકોંગના ડેવલપર દ્વારા આપવામાં આવી છે. જેમાં કોરોનાની રસી લેનાર વ્યક્તિને પ્રાઈઝ સ્વરૂપે 14 લાખ ડોલર એટલે કે 10 કરોડનું એપાર્ટમેન્ટ અપાશે. આ ઓફર એટલા માટે આપવામાં આવી રહી છે કે, કારણ કે લોકોમાં વેક્સિનેશનને લઈને ઉત્સુકતા વધે.
સિનો ગ્રુપના એનજી ટેન્ક ઓફ ચેરિટેબલ ફાઉન્ડેશને આપી ઓફર
સિનો ગ્રુપના એનજી ટેન્ક ઓફ ચેરિટેબલ ફાઉન્ડેશન સાથે ચીનની એસ્ટેટ હોલ્ડિંગ લિમિટેડ આ ઓફર આપી રહ્યું છે. ક્વાન ટોંગ ક્ષેત્રમાં સિનો ગ્રુપે પોતાના ગ્રાન્ડ સેન્ટ્રલ પ્રોજેક્ટમાં નવા એપાર્ટમેન્ટમાં ફ્લેટ આપવાની ઓફર કરી છે.
2 ડોઝ લેનારને મળશે લાભ
આ ઓફરનો લાભ વેક્સિનના બંન્ને ડોઝ લેનાર વ્યક્તિ લઈ શકે છે. જેમાં 449 વર્ગ ફૂટ એટલે કે 42 વર્ગ મીટરનો ફ્લેટ ગિફ્ટ સ્વરૂપે મળશે જેના માટે એક લકી ડ્રો કરવામાં આવશે.
રિપોર્ટ પ્રમાણે અહીંની સરકારે અનયૂઝ્ડ વેક્સિન ડોઝના ડોનેશન સહિત કેટલાક વિકલ્પો પર સ્ટડી કર્યું કારણ કે, તેમાં કેટલીક વેક્સિન ઓગસ્ટમાં એક્સપાયર થતી હતી. જેને જોતા સરકારે લોકોમાં રસીકરણને લઈને જાગૃતિ લાવવા માટે અનેક પ્રયાસ કરી રહી છે.
12.6 ટકા લોકોનું જ અત્યાર સુધીમાં થયું રસીકરણ
હોંગકોંગની વાત કરીએ તો અત્યાર સુધીમાં 75 લાખની વસ્તીમાંથી માત્ર 12.6 ટકા લોકોને જ વેક્સિનના બંન્ને ડોઝ આપવામાં આવ્યા છે.