મહેસાણામાં ઉત્તરાયણના તહેવારને લઈને વેપારીઓ પતંગની દુકાનો ખોલી વેપાર કરી રહ્યા છે. ત્યારે તોલમાપ વિભાગ દ્વારા પતંગ તેમજ દોરીના વેપારીને ત્યાં રેડ કરી તપાસ હાથ ધરી હતી.
મહેસાણામાં દોરી ખરીદતા પહેલા સાવધાન
તોલમાપ ની રેડમાં થયો ચોકાવનારો ખુલાસો
અરિહંત સિઝન સેન્ટર ને 90,000 દંડ ફટકાર્યો
કુલ 4 વેપારીને 1.11 લાખ દંડ ફટકારાયો
ઉત્તરાયણના તહેવારને હવે ગણતરીના દિવસો બાકી છે. ત્યારે મહેસાણામાં દોરીના વેપારી દ્વારા ફીરકીમાં ઓછી દોરી આપતો હોવાનાં ચોંકાવનારો ખુલાસો થતા ચકચાર મચી જવા પામી હતી. ત્યારે આ અંગેના જાણ તોલમાપ અધિકારીને થતા તોલમાપ અધિકારી દ્વારા આકસ્મિક ચેંકીંગ હાથ ધરતા વેપારીઓમાં ફફડાટ વ્યાપી જવા પામ્યો હતો. ત્યારે મહેસાણા તોલમાપ વિભાગે કુલ ચાર વેપારીઓને રૂ.1.11 લાખનો દંડ ફટકાર્યો હતો.
4 વેપારીઓને તોલમાપ વિભાગે 1.11 લાખનો દંડ ફટકાર્યો
મહેસાણામાં ઉત્તરાયણના તહેવારને લઈને વેપારીઓ પતંગની દુકાનો ખોલી વેપાર કરી રહ્યા છે. ત્યારે કેટલાક વેપારીઓ દ્વારા ફીરકીમાં દોરી ઓછી આપતા હોવાની તોલમાપ વિભાગને જાણ થતા તોલમાપ વિભાગ દ્વારા પતંગ તેમજ દોરીના વેપારીને ત્યાં રેડ કરી તપાસ હાથ ધરી હતી. જેમાં દોરી વિક્રેતા અરિંહંત સેન્ટર પર તોલમાપ વિભાગ દ્વારા રેડ કરી ફીરકીમાં તપાસ હાથ ધરતા ફીરકીમાંથી 900 મીટરની દોરીની જગ્યાએ માત્ર 254 મીટર દોરી જ નીકળી હતી. ત્યારે વેપારી દ્વારા ગ્રાહકો પાસેથી 900 મીટરનાી જ પૈસા વસુલાતા હતા. ત્યારે ફીરકીઓમાં ભાવ પણ લખ્યો ન હોઈ ગ્રાહકો પાસેથી વધુ પૈસા વસુલાતા હોવાનું સામાં આવ્યું છે. ત્યારે તોલમાપ વિભાગે અરિહંત ટ્રેડર્સને રૂ.90,000 નો દંડ ફટકાર્યો હતો. ત્યારે કેટલાક પતંગના વેપારીઓને ત્યાં પણ તપાસ હાથ ધરવામાં આવી હતી. જેમાં નંગના બદલે કોડીમાં પતંગ વહેચતા દંડ ફટકાર્યો હતો. ત્યારે તોલમાપ વિભાગ દ્વારા કુલ 4 વેપારીઓને રૂ.1.11 લાખનો દંડ ફટકાર્યો હતો.
ક્યા ક્યા વેપારીઓને દંડ ફટકાર્યો
મહેસાણા તોલમાપ વિભાગને મળેલ ફરીયાદના આધારે તોલમાપ વિભાગે અચાનક વેપારીઓને ત્યાં તપાસ હાથ ધરી હતી. જેમાં કેટલાક વેપારીઓ દ્વારા દોરી ઓછી આપતા હોવાનું સામાં આવ્યું હતું. ત્યારે તોલમાપ વિભાગે દોરીના વેપારી અરિહંત ટ્રેડર્સ, જ્યારે પતંગના વેપારી પાટીદાર, નવકાર પતંગ ભંડાર, ચામુંડા પતંગ ભંડાર સહિત ત્રણેય વેપારીઓને 6000 નો દંડ ફટકાર્યો હતો.
કોડીના ભાવે પતંગ વેચતા વેપારીને દંડ ફટકાર્યો
પહેલા પતંગ કોડીના ભાવથી વેચાતા હતા પરંતું હવે નિયમ બદલાઈ ગયો છે તો પણ મહેસાણામાં વેપારીઓ દ્વારા કોડી ઉપર પતંગ વેચવામાં આવતા તોલમાપ વિભાગ દ્વારા વેપારીને દંડ ફટકાર્યો હતો.