જો તમારી ઉંમર 18 વર્ષ છે અને તમે હજી સુધી તમારા ભવિષ્ય માટે કોઈ યોજના બનાવી નથી, તો આ તક તમારા માટે ખૂબ જ સારી છે. ચાલો જાણીએ.
મોદી સરકારની આ યોજના છે બેસ્ટ
ઓછી આવકલાળા લોકો ઉઠાવો લાભ
દર મહિને 5 હજાર પેન્શન આપે છે સરકાર
આજે અમે તમને એક સરકારી યોજના વિશે જણાવી રહ્યાં છીએ, જે અંતર્ગત ખૂબ જ નાનું યોગદાન આપીને 60 વર્ષની વય પછી તમને દર મહિને 5 હજાર રૂપિયા અથવા વાર્ષિક 60 હજાર રૂપિયાનો લાભ મળતો રહેશે.
અટલ પેન્શન યોજના ઓછી આવકવાળા લોકો માટે મોદી સરકારની સૌથી પોપ્યુલર પેન્શન યોજના છે, જે નિશ્ચિત ઈન્કમની ગેરંટી આપે છે. આ યોજના અંતર્ગત, દેશનો કોઈપણ નાગરિક 18 વર્ષની ઉંમર થતાં જોડાઈ શકે છે. આ અંતર્ગત, એકાઉન્ટ ખોલવું જરૂરી છે, જેમાં માસિક, ત્રિમાસિક અથવા અર્ધવાર્ષિક રોકાણની સુવિધા છે. યોજના અંતર્ગત મહત્તમ 60 હજાર રૂપિયા અથવા દર મહિને 5 હજાર રૂપિયા પેન્શનની ગેરંટી આપવામાં આવે છે.
કઈ રીતે મળશે દર મહિને 5 હજાર રૂપિયા
જો તમે 18 વર્ષની ઉંમરે અટલ પેન્શન યોજનામાં જોડાઓ છો અને 5000 રૂપિયા અથવા 60,000 રૂપિયા માસિક પેન્શન માટે ખાતું ખોલો છો, તો તમારે દર મહિને 210 રૂપિયા જમા કરવા પડશે. જે એક વર્ષ માટે 2520 રૂપિયા હશે. તમારે 60 વર્ષની વય સુધી દર મહિને 210 રૂપિયાનું રોકાણ કરવું પડશે. 60 વર્ષની વય પછી તમારા એકાઉન્ટમાં દર મહિને 5 હજાર રૂપિયા આવતા રહેશે, જે વાર્ષિક 60 હજાર રૂપિયા છે.
નાની ઉંમરે જોડાવાનો ફાયદો
જો તમે 18 વર્ષની ઉંમરે ત્રિમાસિક યોજનામાં જોડાઓ છો, તો તમારું કુલ રોકાણ 1.05 લાખ રૂપિયા હશે. સાથે જ, જો તમે 35 વર્ષની ઉંમરે જોડાઓ છો તો તમારે દર 3 મહિનામાં ત્રિમાસિક યોજના માટે 2688 રૂપિયા જમા કરાવવા પડશે. તમારે 25 વર્ષ માટે રોકાણ કરવું પડશે, આ સ્થિતિમાં તમારું કુલ રોકાણ 2.68 લાખ રૂપિયા હશે. એટલે કે, સમાન પેન્શન યોજના માટે, તમારે લગભગ 1.63 લાખ રૂપિયા વધારાની રકમ જમા કરવાની રહેશે.
આ યોજનાનો લાભ
આમાં કુલ રોકાણ ફક્ત 1.05 લાખ રૂપિયા હશે, જ્યારે 60 વર્ષની ઉંમર બાદ દર મહિને 5 હજાર રૂપિયા તમારા ખાતામાં આવવાનું ચાલુ રહેશે.
યોજનાના અન્ય લાભ
યોજના પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી દ્વારા રાષ્ટ્રીય પેન્શન યોજના દ્વારા ચલાવવામાં આવી રહી છે.
આઈટીના સેક્શન 80 સીસીડી હેઠળ ટેક્સમાં છૂટનો પણ લાભ મળશે.
એક સભ્યના નામ પર ફક્ત એક જ એકાઉન્ટ ખુલી શકશે.
ઘણી બેંકોમાં આ એકાઉન્ટ ખોલવાની સુવિધા છે.
શરૂઆતના 5 વર્ષ સરકાર તરફથી પણ યોગદાન કરવામાં આવે છે.
તે 1000, 2000, 3000, 4000 અથવા 5000ના 50 ટકાથી વધુ નહીં હોય.
જો સભ્ય 60 વર્ષ પહેલાં અથવા તેના પછી મૃત્યુ પામે છે, તો પેન્શનની રકમ પત્નીને આપવામાં આવશે.
જો સભ્ય અને પત્ની બંનેની મૃત્યુ થઈ ગઈ હોય તો સરકાર નોમિનીને પેન્શન આપશે.
ત્રિમાસિક યોજના
આ અંતર્ગત તમારે દર 3 મહિને 626 રૂપિયા રોકાણ કરવું પડશે. તમારે આ 42 વર્ષ સુધી રોકાણ કરવું પડશે. આ સમય દરમિયાન તમારું કુલ રોકાણ 1.05 લાખ રૂપિયા હશે. તેના બદલે, 60 વર્ષ પછી તમને જીવનભર દર મહિને 5 હજાર રૂપિયા મળવાનું ચાલુ રહેશે.
અર્ધવાર્ષિક યોજના
અર્ધવાર્ષિક રોકાણ હેઠળ તમારે દર 6 મહિનામાં 1239 રૂપિયા રોકાણ કરવું પડશે. આ રોકાણ 42 વર્ષ માટે કરવું પડશે. આ સમય દરમિયાન તમારું કુલ રોકાણ 1.04 લાખ રૂપિયા હશે. તેના બદલે 60 વર્ષ પછી તમને આજીવન દર મહિને 5 હજાર રૂપિયા મળવાનું ચાલુ રહેશે.