ગજબ ફાયદો / દરેક ખરીદી પર મળશે કેશબેકનો લાભ! SBIએ ગ્રાહકો માટે લોન્ચ કર્યુ શાનદાર કાર્ડ, જાણો ડિટેલ્સ

• સ્ટેટ બેન્કના ગ્રાહકો માટે ખુશખબર
• લોન્ચ થયુ કેશબેક કાર્ડ 
• ખરીદી પર મળશે આટલો ફાયદો 

દેશની સૌથી મોટી બેંક SBIએ તેના ગ્રાહકો માટે એક શાનદાર ક્રેડિટ કાર્ડ (SBI Credit Card) લોન્ચ કર્યું છે. તેનું નામ કેશબેક SBI કાર્ડ છે. આ કાર્ડ દ્વારા તમને કોઈપણ ઑનલાઇન શોપિંગ સાઇટ પર 5% કેશબેક (5% Cashback on Shopping) મળશે. આમાં કોઈ મર્ચન્ટ પ્રતિબંધ રહેશે નહીં. 

દરેક ખરીદી પર મળશે કેશબેકનો લાભ 
બેંકનો દાવો છે કે આ કાર્ડના ઘણા ફાયદા છે જેમ કે કાર્ડ હોલ્ડર્સ હવે કોઈપણ મર્ચન્ટ પ્રતિબંધ વગર કોઈપણ વેબસાઈટ પરથી ખરીદી કરીને સરળતાથી 5 ટકા સુધીનું કેશબેક મેળવી શકે છે. ઉપરાંત ગ્રાહકોને ઓફલાઇન શોપિંગ પર પણ આ કેશબેકનો લાભ મળે છે. આવી સ્થિતિમાં તમે કંપનીની કોઈપણ શરત વિના દરેક ખરીદી પર કેશબેકનો લાભ મેળવી શકો છો.

કાર્ડમાં મળશે ઓટો-ક્રેડિટ કેશબેકની સુવિધા  
બેંકે જણાવ્યુ કે ગ્રાહકને 1000 રૂપિયાથી ઓછી ખરીદી પર 1% કેશબેક મળશે. બીજી તરફ 1000 રૂપિયાથી વધુની ખરીદી પર તમને 5 ટકા કેશબેક મળશે. આ કાર્ડમાં ગ્રાહકોને ઓટો ક્રેડિટ કેશબેકની સુવિધા મળે છે. આવી સ્થિતિમાં શોપિંગના બે દિવસમાં તમારા ખાતામાં કેશબેકની રકમ આવી જશે.

કેશબેક મળવાની તક 
આ કાર્ડ લોન્ચ કરતી વખતે SBIના MD અને CEO રામ મોહન રાવ અમારાએ કહ્યું કે કેશબેક SBI કાર્ડ ગ્રાહકોના પોર્ટફોલિયોને મજબૂત બનાવવામાં મદદ કરશે. બેંક દ્વારા તેને ખૂબ જ વિચારીને લોન્ચ કરવામાં આવ્યું છે. આ કાર્ડ દ્વારા ગ્રાહકોને દરેક ખરીદી પછી કેશબેક મેળવવાની તક મળશે. આવી સ્થિતિમાં તહેવારની આ સિઝનમાં ગ્રાહકોને તેનો જબરદસ્ત લાભ મળશે.

કેટલો લેવામાં આવશે વાર્ષિક ચાર્જ
કેશબેક SBI કાર્ડ ખરીદવા પર તમારે એક વર્ષમાં 999 રૂપિયાનો રિન્યુઅલ ચાર્જ ચૂકવવો પડશે. આ કાર્ડ દ્વારા ગ્રાહકો દર વર્ષે 2 લાખ રૂપિયા સુધીની ખરીદી કરી શકે છે. જો તમે એક વર્ષમાં 2 લાખ રૂપિયા સુધીની ખરીદી કરો છો તો તમારે આ કાર્ડની રિન્યુઅલ ફી ચૂકવવાની રહેશે નહીં. આ કાર્ડ પર તમને ફ્યુઅલ સરચાર્જ પર 1% કેશબેકનો લાભ પણ મળશે.